Bota

Ish-Presidenti bëri thirrje, por kush e organizon protestën pro Trump?

Taylor Greene ishte subjekt i një profili të CBS gjatë fundjavës në të cilën ajo u tërhoq nga mbështetja e saj e mëparshme për teorinë e konspiracionit QAnon.

4 Prill 2023, 18:25 Nga I.A
Ish-Presidenti bëri thirrje, por kush e organizon protestën pro Trump?
Protesta

SHBA- Donald Trump më në fund mori protestën që ai bëri thirrje të martën në mëngjes, kur një grup mbështetësish të tij u mblodhën në Manhattan. Organizatorët përfshinin dhe kongresmenen e Gjeorgjisë Marjorie Taylor Greene. Dikur një republikane e skajshme, ajo tani ka vende të fuqishme në komitetet e Kongresit. Taylor Greene ishte subjekt i një profili të CBS gjatë fundjavës në të cilën ajo u tërhoq nga mbështetja e saj e mëparshme për teorinë e konspiracionit QAnon.

Organizatorët e tjerë janë ndoshta më pak të njohur, por jo më pak ekstremë. Jack Posobiec është një ish-oficer i zbulimit të marinës, i kthyer në figurë mediatike e ekstremit të djathtë. Ai mblodhi ndjekës të shumtë në internet gjatë zgjedhjeve të 2016 duke organizuar manifete, që përfshirë infiltrimin e protestave kundër Trump për të përhapur thirrje për dhunë. Më vonë ai propagandoi teorinë e konspiracionit "Pizzagate" dhe punoi për Rrjetin e Lajmeve Pro-Trump One America. Graham Allen është një veteran i ushtrisë amerikane dhe podkaster. Ai gjithashtu ka mbledhur një numër të madh ndjekësish në mediat sociale për nxjerrjen e opinioneve nxitëse dhe, natyrisht, mbështetjen e fortë për Donald Trump.

Për çfarë akuzohet Trump?

Gjithçka nisi në vitin 2016. Ylli i filmave për të rritur, Stormy Daniels kontaktoi mediat të cilave u rrëfeu se kishte një lidhje jashtëmartesore me Donald Trump në vitin 2006. Ekipi i Trumpit e kuptoi këtë dhe avokati i tij Michael Cohen i pagoi 130,000 dollarë Daniels që mos të fliste. Por kjo është e paligjshme. Megjithatë, kur Trump i kaloi pagesën Cohen në llogarinë bankare, transferta u bë me shënimin ‘tarifë ligjore’. Por, prokurorët thonë se kjo do të thotë që Trump falsifikon të dhënat, që është një kundravajtje penale në Nju Jork. Vetë Trump ka mohuar çdo akuzë dhe e ka konsideruar procesin një ‘gjueti shtrigash’. Sot ai mund të arrestohet./Dosja.al

donald trump marjorie taylor greene donald trump ne gjyq

Sondazh

Poll

MË SHUMË