Sport

“Bomba” e presidentit Ceferin: “Kam takuar më pak kriminelë në 25 vite të punës sime si avokat, sesa në dy vite në futboll”…

“Pa klubet angleze nuk kishte asnjë mënyrë që Superliga të kishte sukses. Nuk jam i shqetësuar për dominimin ekonomik të Premierligës, sepse po bën një punë të mirë nga pikëpamja financiare”

4 Prill 2023, 13:16 Nga DOSJA
“Bomba” e presidentit Ceferin: “Kam takuar më pak

ANGLI - Presidenti i UEFA-s, Aleksander Ceferin, foli të mërkurën për Superligën dhe presionin në Angli, gjë që çoi në braktisjen nga klubet britanike të saj, duke bërë një krahasim mes karrierës së tij si avokat dhe si president i futbollit.

“Kam takuar më pak kriminelë në 25 vite të karrierës sime si zbatues i ligjit penal sesa në dy vite futboll. Duhet ta mbajmë futbollin larg peshkaqenëve”,- ka theksuar ai në një intervistë për programin The Overlap, në kanalin Youtube të ish-futbollistit Gary Neville.

“Dy klube angleze hezituan shumë. Por në fund më thanë, se donin të mbeteshin miq me UEFA-n”,- vazhdoi ai duke konfirmuar se ishin Chelsea dhe Manchester City.

“Ishin dy pronarë që ishin të përfshirë në Superligë. Kam marrë një telefonatë nga një prej klubeve angleze, nuk do të them se cili. U mërzita pak dhe u thashë: ‘Shkoni në dreq, nga nesër do të jeni armiqtë tanë, nuk dua të flas më me ju’. Ishte shumë e vështirë”, pranoi Ceferin.

“Pa klubet angleze nuk kishte asnjë mënyrë që Superliga të kishte sukses. Nuk jam i shqetësuar për dominimin ekonomik të Premierligës, sepse po bën një punë të mirë nga pikëpamja financiare dhe ligat e tjera duhet të bëjnë më mirë”,- përfundoi ai.

B.T (Dosja.al)

Sondazh

Poll

MË SHUMË