Sport

Histori e trishtë, ish-futbollisti i Liverpool ka falimentuar: “Po pres dënimin me vdekje…”

Ndihem në faj që thashë “po” kur njerëzit thërrisnin për ndihmë, sepse nuk thashë kurrë “jo”. Nuk më thërrasin tani. Unë nuk dëgjoj prej tyre. Ishte edhe dikush që e ndihmova të ngrihej në këmbë, ai jetonte me mua dhe më pas më vodhi.

2 Prill 2023, 15:36 Nga DOSJA
Histori e trishtë, ish-futbollisti i Liverpool ka falimentuar: “Po

ANGLI - Ish-futbollisti i Liverpool-it, Craig Bellamy, është në telashe të mëdha, dhe gjendja e tij financiare është aq e keqe sa ka falimentuar plotësisht.

Bellamy u përpoq të investonte në biznese të ndryshme, të krijonte diçka të tijën, por për shkak të kësaj ai hasi në probleme të ndryshme.

- Këta 5-6 vitet e fundit jetoj nën dënimin me vdekje, vetëm duke pritur që dikush ti jepte fund. Prisja të hapnin derën e qelisë dhe dikush të thoshte se sot është dita. Më duket se nuk kam asgjë më shumë për të pritur. Gjithçka është zhdukur. Nuk kam të ardhme financiare. Nuk mund të bëj asgjë sepse nuk kam asgjë. Ka mbaruar – ka thënë Bellamy, sipas “Daily Mail”.

Projekti i tij i ndërtimit në Cefn Coed Road, Cardiff, si dhe një bar me verë dhe biftekë në Penarth Marina të quajtur Pier 64, dështuan plotësisht.

Bellamy ka një mesazh të fortë për lojtarët e tjerë, me synimin që të mos përfundojnë si ai.

- Dua që ky të jetë një paralajmërim për lojtarët e tjerë. E di që shumë do të mendojnë se i kam harxhuar paratë e mia duke pirë, lojëra fati ose drogë, por nuk e bëra. Nuk më interesojnë ato gjëra. Fatkeqësisht, kam luajtur kumar me njerëzit. Kudo që shkoni, ju ngarkojnë shumë. Kudo që shkoni, ju grabisin. Njerëzit mendojnë: "Nuk ka rëndësi, ai ka aq shumë sa nuk do t'i vërë re" - theksoi Bellamy dhe shtoi:

– Ndihem në faj që thashë “po” kur njerëzit thërrisnin për ndihmë, sepse nuk thashë kurrë “jo”. Nuk më thërrasin tani. Unë nuk dëgjoj prej tyre. Ishte edhe dikush që e ndihmova të ngrihej në këmbë, ai jetonte me mua dhe më pas më vodhi. Ishim miqtë më të mirë – përfundoi ish-lojtari i “The Reds”.

B.T (Dosja.al)

Sondazh

Poll

MË SHUMË