Bota

Tunizia prezanton sistemin e kuotave të ujit për shkak të thatësirës së madhe

Sipas Ligjit për Ujërat, shkelësit do të përballen me gjobë dhe burgim për një periudhë nga gjashtë ditë deri në gjashtë muaj. 

31 Mars 2023, 21:37 Nga a.l
Tunizia prezanton sistemin e kuotave të ujit për shkak të
Foto ilustruese

TUNIZI- Tunizia ka prezantuar një sistem kuotash për ujin e pijshëm dhe ndaloi përdorimin e tij në bujqësi deri më 30 shtator në përgjigje të thatësirës që ka goditur vendin. Lajmin e ka bërë të ditur për mediat ministria e e Bujqësisë. Ministri i Bujqësisë, Hamadi Habib ka deklaruar se Tunizia, e cila po vuan të katërtin vit radhazi të thatësirës, regjistroi një rënie të kapacitetit të saj të digës në rreth 1 miliard metra kub, ose 30 për qind të maksimumit, për shkak të mungesës së shiut nga shtatori 2022 deri në mes të marsit 2023, shkruajnë mediat e huaja. 

Ministria e Bujqësisë ndaloi gjithashtu përdorimin e ujit të pijshëm për të larë makinat, ujitjen e zonave të gjelbra dhe pastrimin e rrugëve dhe vendeve publike. Sipas Ligjit për Ujërat, shkelësit do të përballen me gjobë dhe burgim për një periudhë nga gjashtë ditë deri në gjashtë muaj. 

Banorët thanë se autoritetet tuniziane për dy javët e fundit kanë ndërprerë ujin e pijshëm gjatë natës në disa zona të kryeqytetit dhe qytete të tjera në një përpjekje për të ulur konsumin, një veprim që ka ngjallur zemërim të gjerë. Qeveria nuk pranoi të komentojë mbi pretendimin. Vendimi i ri mund të nxisë tensionin social në një vend, njerëzit e të cilit vuajnë nga shërbimet e dobëta publike, inflacioni i lartë dhe një ekonomi e dobët. Diga Sidi Salem në veri të vendit, një furnizues kryesor i ujit të pijshëm për disa rajone, ka rënë në vetëm 16 për qind të kapacitetit të saj maksimal prej 580 milionë metra kub, treguan shifrat zyrtare.

zyrtari i lartë i sindikatës së fermerëve, Mohamed Rjaibia, tha se të korrat e grurit të Tunizisë do të jenë "katastrofike", me të korrat e goditura nga thatësira që do të bien në 200,000-250,000 tonë këtë vit nga 750,000 ton në 2022. 

thatesira ne tunizi

Sondazh

Poll

MË SHUMË