Sport

Ish-bashkëshortja Galianit rrëfen jetën e saj, nga feja, e përditshmja dhe dhuna e shkaktuar që i humbi fëmijën!

"Më shtyu në tokë, më goditi në bark më ra të fikët. Kur erdha në veter, isha në një pellg gjaku, kisha humbur fëmijën. Nuk e kam raportuar kurrë. Falja dhe lutja bëjnë mrekulli."

31 Mars 2023, 09:19 Nga DOSJA

Ish-bashkëshortja Galianit rrëfen jetën e saj, nga feja, e

ITALI - Mediat italiane kanë shkruar për Daniela Rosati, dikur italiania më e bukur dhe ylli televiziv, sot një grua që ka vendosur të bëjë një kthesë totale në jetën e saj.

Ish-bashkëshortja Galianit rrëfen jetën e saj, nga feja, e

Daniela Rosati (65) është ish-bashkëshortja e ish-drejtorit të Milanit, Adriano Galliani. Ajo ishte e martuar me të nga viti 1993 deri në vitin 1999, gjatë kohës kur kuqezinjtë ishin klubi më i mirë dhe më i fuqishëm në Evropë.

Ajo mbërriti në Milano në moshë fare të re, vetëm 21 vjeç. Në atë kohë, budizmi ishte popullor në Itali, kështu që si shumica e bashkatdhetarëve të saj, ajo flirtonte me fenë orientale. Ajo ishte me mendje qytetare. Në fund, ajo kuptoi se lumturia mund të gjendet vetëm në besimin e të parëve të saj, në krishterim.

Ish-bashkëshortja Galianit rrëfen jetën e saj, nga feja, e

Daniela Rosati ka qenë së fundmi e ftuar në televizionin RAI 1, në emisionin “Sot është një ditë tjetër”. Gjatë bisedës ajo foli për jetën, të shkuarën, sukseset, martesën me Adrian Gallianin. Para kësaj, ajo ishte e martuar me një farë Claudio. Siç tha ajo,  kishte një jetë të bukur dhe padyshim intensive. Sot, siç theksoi, ajo ka mall për paqe shpirtërore.

– Kur u divorcova, vendosa të largohem nga televizioni dhe të filloj të bëj një jetë ndryshe. Ndriçimi erdhi kur vizitova kishën e Shën Bridget në Romë në ato ditë. Kuptova se jeta ime pa besim ishte e paplotë. Ia dedikova veten Zotit dhe mora një betim dëlirësie në vitin 2005. Në fillim ishte e vështirë për mua, por me ndihmën e Zotit ia dola - zbuloi Daniele Rosati dhe për martesën me Galianin tha:

- Ishin vite të lodhshme. Ne ende shohim njëri-tjetrin. Nuk më mungon aspak rehatia dhe komoditeti që kisha duke jetuar me të. Më mungojnë njerëzit. Nuk kam qenë kurrë barrë për Adrianin, edhe pse isha zonja Galliani. E mbaja veten, kisha rrogën time dhe përpiqesha të jem gjithmonë e pavarur.

Më pas ajo ka rrëfyer një episod dramatik nga e kaluara e saj, kur ka pësuar dhunë fizike nga një ish-partner, nuk ka specifikuar se kush, për shkak të së cilës ka humbur fëmijën.

- Më shtyu në tokë, më goditi në bark më ra të fikët. Kur erdha në veter, isha në një pellg gjaku, kisha humbur fëmijën. Nuk e kam raportuar kurrë. Falja dhe lutja bëjnë mrekulli.

Daniela Rosati ishte personazhi më i dashur televiziv i viteve 1990 dhe një nga femrat më të bukura italiane. Vitet e fundit ajo jeton në Suedi, ku iu përkushtua fesë dhe u bë një nga abatet (murgeshat) në një manastir katolik.

B.T (Dosja.al)

Sondazh

Poll

MË SHUMË