Bota

Dikur ishte kundër dialogut/ Kurti: Nuk mund ta ndryshoj të kaluarën

Kurti ndër të tjera u shpreh se do të ishte më mirë për Kosovën nëse ai do të ishte kryeministër në vitin 2010, por sipas tij kjo nuk mund të kthehet më.

29 Mars 2023, 20:27 Nga a.l
Dikur ishte kundër dialogut/ Kurti: Nuk mund ta ndryshoj të
Albin Kurti

KOSOVË- Kryeministri i Kosovës Albin Kurti ka thënë se nuk i ka ndryshuar qëndrimet në raport me të kaluarën e tij. Në një intervistë për mediumin kosovar RTK Dukagjini, ai tha se qëndrimet e së kaluarës kanë ndodhur në momentin kur LVV nuk kishte qenë subjekt garues në zgjedhje.

“Kur unë kam garuar në zgjedhje shumë probleme tashmë kanë qenë fakte. Nuk është e mundshme ta ndryshojë krejt çfarë dua realitetin edhe nëse nuk e dua asnjë milimetër atë”, tha ai. 

Kurti ndër të tjera u shpreh se do të ishte më mirë për Kosovën nëse ai do të ishte kryeministër në vitin 2010, por sipas tij kjo nuk mund të kthehet më pas. Kreu i qeverisë së Kosovës tha se ai ka ndryshuar vetëm strategjinë derisa qëndrimet i ka të njëjta.

“Qëndrimin tim vetëvendosës nuk e ndryshojë asnjëherë, por tashmë jam kryeministër i vendit. Unë nuk e kam shpallur pavarësinë që lë UÇK-në jashtë e as nuk e kam pranuar Planin e Ahtisaarit”, tha ai. 

Më herët Kurti ka deklaruar se marrëveshja me Serbinë duhet të zbatohet në tërësi dhe sa më shpejt. Ndërsa theksoi se nuk mund të ketë nënshkrim të njëanshëm të saj. 

dialogu kosove-serbi

Sondazh

Poll

MË SHUMË