Politike

"Përdori simbolet e PD", Alibeaj kërkon çregjistrimin e Berishës, caktohen gjyqtarët në Kolegjin Zgjedhor, Apeli vendos nesër

Alibeaj kërkon çregjistrimin me argumentin se është shkelje e rëndë ligjore përdorimi i simboleve të Partisë Demokratike, në një kohë që Gjykata i ka kaluar deputetit vulën dhe selinë blu.

29 Mars 2023, 09:49 Nga F.M

"Përdori simbolet e PD", Alibeaj kërkon çregjistrimin

TIRANË- Nesër, Gjykata Administrative e Apelit do të vendosë lidhur me padinë e depozituar nga deputeti Enkelejd Alibeaj, i cili ka kërkuar çregjistrimin e koalicionit ‘Bashkë Fitojmë’. Në njoftimin zyrtar bëhet me dije se është caktuar dhe trupa gjykuese që do të shqyrtojë ankimimin e Alibeajt. Bëhet fjalë për: Sokol Ibi (Relator); Manjola Xhaxho (Anëtare); Edlira Petri (Anëtare); Esmeralda Xhili (Anëtare) dhe Alma Kolgjoka (Anëtare). Alibeaj kërkon çregjistrimin me argumentin se është shkelje e rëndë ligjore përdorimi i simboleve të Partisë Demokratike, në një kohë që Gjykata i ka kaluar deputetit vulën dhe selinë blu.

NJOFTIMI I GJYKATËS:

Pranë Gjykatës Administrative të Apelit Tiranë, për llogari të Kolegjit Zgjedhor Gjyqësor, është paraqitur për shqyrtim çështja Nr. 7 Akti, Datë 27.03.2023 Regjistrimi, me:

PADITËS:    Partia Demokratike e Shqipërisë, përfaqësuar nga Indrit Sefa;

I PADITUR:   Komisioni Qendror i Zgjedhjeve (KQZ).

OBJEKTI: Shfuqizimi i vendimit nr.31, datë 21.03.2023 të KAS “Për mospranimin për shqyrtim të kërkesës ankimore nr. 37, datë 21.03.2023 të depozituar nga “Partia Demokratike e Shqipërisë”.

Shfuqizimi i vendimit nr. 178, datë 18.03.2023 të Komisionerit Shtetëror të Zgjedhjeve “Për shqyrtimin e kërkesës për regjistrimin e koalicionit “Bashkë Fitojmë”, (BF) për zgjedhjet për organet e qeverisjes vendore të datës 14 Maj 2023”.

Plotësimin e të metave nga ana e kërkuesit Partia e Lirisë duke ndryshuar Marrëveshjen e Koalicionit duke hequr Partinë Demokratike e Shqipërisë nga referimi në këtë dokument.

Për dijeni, Komisioneri Shtetëror i Zgjedhjeve, me Vendimin nr.178, datë 18.03.2023, objekt i padisë së mësipërme, ka vendosur:

“1. Regjistrimin e Koalicionit “Bashkë Fitojmë” (PL – PDK – PBDNJ) “BF”, si subjekt zgjedhor pjesëmarrës në zgjedhjet për organet e qeverisjes vendore të datës 14 maj 2023 me parti pjesëtare të tij si më poshtë: a)”Partia e Lirisë” (PL); b) “Partia Demokristiane e Shqipërisë” (PDK); Partia e Bashkimit për të Drejtat e Njeriut (PBDNJ);

Ky vendim hyn në fuqi menjëherë dhe publikohet në faqen elektronike zyrtare të Komisionit Qendror të Zgjedhjeve;
Kundër këtij vendimi mund të bëhet ankim në Komisionin e Ankimeve dhe Sanksioneve brenda 3 (tre) ditëve nga shpallja e tij”.
Më datë 28.03.2023 u hodh shorti publik për përcaktimin e përbërjes së Kolegjit Zgjedhor Gjyqësor dhe, sipas tij, trupi gjykues përbëhet nga gjyqtarët:

Sokol Ibi (Relator);
Manjola Xhaxho (Anëtare);
Edlira Petri (Anëtare);
Esmeralda Xhili (Anëtare);
Alma Kolgjoka (Anëtare).
Me Vendim datë 28.03.2023 “Për caktimin e seancës gjyqësore dhe lënien afat për plotësimin e të metave të kërkesëpadisë” të Kolegjit Zgjedhor Gjyqësor është caktuar data 30.03.2023, ora 15:30, për zhvillimin e seancës gjyqësore në ambientet e godinës “Poli i Drejtësisë”, salla e konferencave të KLGJ-së, në adresën: Rruga “Ana Komnena”, Tiranë.

enkelejd alibeaj sali berisha

Sondazh

Poll

MË SHUMË