Sport

Goretzka i ‘shokuar’ nga largimi i trajnerit, del në mbështetje të Nagelsmannit…

Leon Goretzka reagon pas largimit të Julian Nagelsmann, i zëvendësuar nga Thomas Tuchel në krye të Bayern Munichut.

26 Mars 2023, 09:48 Nga DOSJA
Goretzka i ‘shokuar’ nga largimi i trajnerit, del në
Leon Goretzka ka reaguar ndaj largimit të Julian Nagelsmann

GJERMANI - Largimi i tij befasoi shumë, duke nisur nga vetë lojtarët. Këtë të premte, Bayern Munich zyrtarizoi largimin e Julian Nagelsmann, si kreu i skuadrës. 

Megjithatë, këta të fundit ishin vetëm një pikë pas Borussia Dortmundit, lider i Bundesligës. Në Champions League, bavarezët madje arritën një fazë mbresëlënëse, duke eliminuar Paris Saint-Germain për të kaluar në çerekfinale, ku do të përballen me Manchester Cityn. 

Vetëm se këto paraqitje nuk u kanë pëlqyer drejtuesve të Bayernit, të cilët folën edhe për zëra dhe tension brenda dhomave të zhveshjes. Prandaj ata vendosën ta zëvendësojnë Nagelsmann me Thomas Tuchel.

Pas largimit të tij, Leon Goretzka ka reaguar, duke vlerësuar punën e Julian Nagelsmann dhe pranoi se largimi i tij kishte qenë një "shok" për të në mikrofonin e ZDF: "Do të gënjeja nëse do të thosha se ditët e fundit nuk më kanë ndikuar. Ishte jashtëzakonisht e vështirë. 

Ne kishim një marrëdhënie shumë të ngushtë me Julian. Ndoshta e kam parë më shumë se familja ime. Ishte një tronditje, nuk kisha asnjë problem me Nagelsmann. Nuk e di se si ishte me të tjerët, por mund të them se ai nuk e humbi dhomën e zhveshjes. Lajmi për shkarkimin e Julianit ishte tronditës! Të gjithë ishim të befasuar”.

B.T (Dosja.al)

Sondazh

Poll

MË SHUMË