Politike

Bashkë Fitojmë/ Meta: Më 14 maj tu rikthejmë qytetarëve shpresën për të ardhmen

Meta shkruan se më 14 maj do tu rikthejnë qytetarëve dhe të rinjëve shpresën e merituar për të ardhmen. 

24 Mars 2023, 09:47 Nga I.A
Bashkë Fitojmë/ Meta: Më 14 maj tu rikthejmë qytetarëve
Ilir Meta

VORË- Kryetari i Partisë së Lirisë Ilir Meta ka takuar ditën e sotme qytetarë në Bashkinë e Vorës. Me anë të një postimi në Facebook, Meta shkruan se më 14 maj do tu rikthejnë qytetarëve dhe të rinjëve shpresën e merituar për të ardhmen. 

Postimi i Plotë:

Ata që falimentuan bashkinë e Vorës, në 14 Maj do të falimentojnë dhe veten e tyre. Vora me kryetarin e ri, z. Indrit Hoxha do të jetë pas 14 Majit lokomotivë e zhvillimit të vrullshëm ekonomik. Bashkë do të fitojmë në Vorë, së bashku me banorët e mrekullueshëm dhe të palodhur të kësaj zone, të cilët si kudo në të gjithë Shqipërinë po përballen me kostot e larta të jetesës dhe rënien e fuqisë blerëse. Në Vorë pritet me padurim ndryshimi, sepse banorët kanë nevojë urgjente për një Bashki funksionale dhe në shërbim të tyre. Prandaj 14 Maji ka një rëndësi madhore për të gjithë qytetarët e Vorës. T'ia rikthejmë Vorës bashkinë, t'ua rikthejmë qytetarëve dhe të rinjve shpresën për të ardhmen.

ilir meta

Sondazh

Poll

MË SHUMË