Bota

Alarm në Ekuador! Gazetar hapi letrën me eksploziv në redaksi, përfundon në spital

Qeveria dënoi sulmet, duke e përshkruar lirinë e shprehjes si "një të drejtë që duhet respektuar".

21 Mars 2023, 13:48 Nga k.m.
Alarm në Ekuador! Gazetar hapi letrën me eksploziv në redaksi,
Foto ilustruese

EKUADOR- Prezantuesi Lenin Artieda u plagos kur hapi zarfin në mes të redaksisë. Ai tha se pajisja që i shpërtheu në duar dukej si një USB drive, e futi atë në kompjuterin e tij dhe shpërtheu.

Departamenti i Prokurorit të Përgjithshëm të Ekuadorit konfirmoi se kishte hapur një hetim lidhur me rastin. Ministri i Brendshëm Juan Zapata tha se pajisjet ishin dërguar edhe në 5 institucione të tjera, e po ashtu u dërguan nga qyteti i Quimsaloma në Los Rios. Tre u dërguan në media në Guayaquil dhe dy në kryeqytet, Quito. Ndërsa prezantuesi u plagos nga pajisja, pajisjet e tjera të dërguara përmes postës nuk shpërthyen ose nuk u hapën kurrë.

Qeveria dënoi sulmet, duke e përshkruar lirinë e shprehjes si "një të drejtë që duhet respektuar".

Ekuadori ka përjetuar një rritje të dhunës që presidenti Guillermo Lasso thotë se është rezultat i konkurrencës midis bandave të trafikut të drogës. Vendi i Andeve, i cili përdoret si rrugë e kontrabandës së kokainës nga Peruja dhe Kolumbia fqinje, ka parë një rritje të mprehtë të vrasjeve dhe krimit në muajt e fundit.

Guayaquil, qyteti i dytë më i madh i Ekuadorit, ku u dërguan tre nga eksplozivët, ka parë nivele dramatike dhune, duke përfshirë trupa të prerë të kokës të varur nga urat e këmbësorëve dhe trazirat vdekjeprurëse të burgjeve midis bandave rivale.

ekuador

Sondazh

Poll

MË SHUMË