Sport

Mes lotësh, lojtari i kombëtares braziliane i jep fund karrierës, probleme me zemrën…

“Jam i sigurt se do të filloj një cikël i ri. Kisha shpresë se situata mund të ndryshonte, por nuk ndodhi. Shëndeti im është i pari”,- tha braziliani Lucas Leiva (22 ndeshje me kombëtaren) në një konferencë për shtyp

17 Mars 2023, 20:23 Nga DOSJA

Mes lotësh, lojtari i kombëtares braziliane i jep fund karrierës,

BRAZIL - Këtë të premte, Lucas Leiva i dha fund karrierës së tij si futbollist. Në moshën 36-vjeçare, mesfushori ishte në periudhën e dytë te Grêmio, por problemet me zemrën, të zbuluara në testet mjekësore parasezonale, e detyruan lojtarin “t’i varte këpucët në gozhdë”.

“Fillimisht falenderoj Grêmion për gjithë mbështetjen në këta tre muaj. Unë njoftoj tërheqjen time sot. Ishte një periudhë e vështirë, mendoj se është hera e parë që qaj për këtë. Por më duhet të them vetëm faleminderit. Unë po e përfundoj karrierën time aty ku do të doja, por jo ashtu siç do të doja. Jam i sigurt se do të filloj një cikël i ri. Kisha shpresë se situata mund të ndryshonte, por nuk ndodhi. Shëndeti im është i pari”,- tha braziliani (22 ndeshje me kombëtaren) në një konferencë për shtyp.

Lucas Leiva ishte në futbollin evropian për gati 15 vjet, veçanërisht ai ka luajtur për Liverpoolin (2007-2017, 346 ndeshje), pasi është aktivizuar edhe për Lazion për katër sezone, ku ka realizuar 198 ndeshje.

“Jam mirënjohës që e zbuluan problemin. Nëse do të kishte qenë 15 vjet më parë, do të ishte dramatike. Sot në moshën 36-vjeçare kam një karrierë të konsoliduar dhe mund të shikoj vetëm anën pozitive. Unë kam pasur një karrierë të shkëlqyer dhe jam krenar për këtë”.

B.T (Dosja.al)

Sondazh

Poll

MË SHUMË