Bota

Kryeministrti polak: Do të dërgojmë katër avionë MIG-29 në Ukrainë

Ai tha se pjesa tjetër e avionëve luftarakë do të furnizohen pasi të kenë përfunduar kontrollet e nevojshme.

16 Mars 2023, 16:41 Nga a.l

Kryeministrti polak: Do të dërgojmë katër avionë MIG-29

Andrzej Duda dhe Volodymyr Zelenskyy

UKRAINË- Presidenti Andrzej Duda ka deklaruar se Polonia do t'i japë Ukrainës katër avionë luftarakë MiG-29 në ditët në vijim, një veprim që do ta bëjë vendin e tij anëtarin e parë të NATO-s që përmbush kërkesat gjithnjë e më urgjente të qeverisë ukrainase për avionë të tillë. Duda tha se Polonia planifikon të dërgojë gjithsej 12 avionë të prodhimit sovjetik, shkruan Al Jazeera.

"Së pari, fjalë për fjalë brenda ditëve të ardhshme, ne do t'i dorëzojmë, me sa mbaj mend, katër avionë në Ukrainë në gjendje të plotë pune," tha Duda në një konferencë shtypi në Varshavë me Petr Pavel, presidentin e Republikës Çeke.

Ai tha se pjesa tjetër e avionëve luftarakë do të furnizohen pasi të kenë përfunduar kontrollet e nevojshme. Të mërkurën, zëdhënësi i qeverisë polake Piotr Mueller tha se vendet e tjera me MiG gjithashtu i kishin premtuar ato në Ukrainë, por ai nuk i përmendi ato. Ndërsa presidenti ukrainas Volodymyr Zelenskyy u është lutur aleatëve të tij të ndajnë avionët e tyre luftarakë, vendet e NATO-s kanë shprehur hezitim.

andrzej duda lufta ukraine-rusi