Bota

Protestat masive hedhin poshtë planin! Koreja e Jugut rishikon vendimin për 69 orë punë në javë

Presidenti Yoon Suk-yeo, sipas The Guardian, i ka bërë thirrje qeverisë të rishikojë edhe një herë planin për 69 orë punë në javë. Kjo thirrje erdhi pas protestave të forta nga të rinjtë për ndikimin që do të ketë ky vendim në jetën e tyre. Yun favorizoi masën për t'u dhënë punëdhënësve më shumë fleksibilitet.

15 Mars 2023, 19:54 Nga k.m.f.i.
Protestat masive hedhin poshtë planin! Koreja e Jugut rishikon vendimin
Yoon Suk-yeol

SEUL- Protestat masive nga të rinjtë kanë bërë që presidenti Yoon Suk-yeol të rishikojë edhe një herë planin për rritjen e numrit të orëve të punës. Qeveria synon të rrisë kohën maksimale javore të punës në 69 orë pasi grupet e biznesit u ankuan se kufiri aktual prej 52 orësh po e bënte të vështirë përmbushjen e afateve.

Presidenti Yoon Suk-yeo, sipas The Guardian, i ka bërë thirrje qeverisë të rishikojë edhe një herë planin për 69 orë punë në javë. Kjo thirrje erdhi pas protestave të forta nga të rinjtë për ndikimin që do të ketë ky vendim në jetën e tyre. Yun favorizoi masën për t'u dhënë punëdhënësve më shumë fleksibilitet.

Plani ishte rritja e orëve të punës nga 52 orë në 69 orë në javë. Ministri i Punës është shprehur se me vendimin e orëve shtesë do të përfitonin gratë e reja, të cilat do të punonin jashtë orarit të cilin më pas do ta kompensonin me pushim për familjet e tyre. Plani është kritikuar gjithashtu si i jashtëzakonshëm nga ekonomitë e tjera të mëdha, duke përfshirë Britaninë e Madhe, ku dhjetëra kompani provuan vitin e kaluar katër ditë pune në javë.

Koreanojugorëtkanë punuar mesatarisht 1,915 orë në vitin 2021, ose 199 orë më shumë se mesatarja e OECD-së dhe 566 orë më shumë se gjermanët.

yoon suk-yeol

Sondazh

Poll

MË SHUMË