Bota

Plani evropian/ Përfundon takimi i Lajçak me Osmanin, zyrtari i drejtohet qeverisë

Zyrtari i është drejtuar ndërtesës së Qeverisë, ku pritet të takojë kryeministrin Albin Kurti. 

9 Mars 2023, 15:44 Nga a.l
Plani evropian/ Përfundon takimi i Lajçak me Osmanin, zyrtari i
Miroslav Lajçak dhe Vjosa Osmani

KOSOVË- Ka përfunduar takimi mes Përfaqësuesit të Posaçëm të Bashkimit Evropian për Dialogun Kosovë-Serbi me presidenten e vendit Vjosa Osmani. Zyrtari i është drejtuar ndërtesës së Qeverisë, ku pritet të takojë kryeministrin Albin Kurti. 

Vizita e Lajçakut në Kosovë dhe Serbi pason takimin e 27 shkurtit, kur kryeministri i Kosovës, Albin Kurti, dhe presidenti i Serbisë, Aleksandër Vuçiç, e pranuan planin evropian për normalizimin e raporteve.

Takimi në Bruksel 

Në dialogun Kosovë-Serbi së fundmi ka pasur disa zhvillime. Kryeministri i Kosovës, Albin Kurti dhe presidenti serb, Aleksandër Vuçiç, në një takim të mbajtur më 27 shkurt kanë pranuar një propozim të Bashkimit Evropian në Bruksel, të titulluar “Marrëveshja drejt normalizimit Kosovë-Serbi”. Marrëveshja, për të cilën janë bërë përgatitje prej vjeshtës së vitit 2022, dhe mbulon shumë aspekte në marrëdhëniet mes dy vendeve nuk është nënshkruar ende, mirëpo është publikuar zyrtarisht nga BE-ja. Marrëveshja në thelb është një shtesë e marrëveshjes së arritur më 2013 në Bruksel, në mes të Prishtinës dhe Beogradit, e cila ka paraparë normalizimin e marrëdhënieve, pasi Kosova e ka shpallur pavarësinë më 2008 veprim që Serbia nuk e ka pranuar kurrë.

dialogu kosove-serbi

Sondazh

Poll

MË SHUMË