Art&Argëtim

Pozime nudo, ngacmime seksuale dhe kërkesa ekstreme për peshën, çfarë ndodh në prapaskenat e modeleve të 'Victoria's Secret'

Ed Razek u akuzua se i detyronte modelet t'i uleshin në prehër dhe i puthte me forcë. Njëri tha se ai e preku atë në zonën intime para se të dilte në pistë dhe rreth 30 njerëz që bashkëpunuan ose ishin të lidhur me markën në një mënyrë të caktuar, treguan detajet e tmerrshme.

9 Mars 2023, 14:18 Nga a.l
Pozime nudo, ngacmime seksuale dhe kërkesa ekstreme për peshën,
Modelet e 'Victoria's Secret'

SHBA- Drejtori financiar i markës “Victoria's Secret”, Timothy Johnson, tha së fundmi se sfilata vjetore e kësaj shtëpie mode, e cila për herë të fundit u mbajt në vitin 2018 në Nju Jork, u anulua për shkak të një sërë skandalesh që i atribuohen drejtuesve të kompanisë. Timothy Johnson bëri të ditur se spektakli, por në një version të ri, do të mbahet në fund të këtij viti. Një përfaqësues i markës së modës tha për mediat e showbizz se marka do të mbrojë qëndrimet e grave dhe perspektivën e tyre unike.

Shfaqja u anulua në vitin 2019 pasi u zbulua se drejtuesi Les Wexner kishte lidhje të ngushta me Jeffrey Epstein, i cili u akuzua për trafikim seksual të të miturve dhe komplot për t'u përfshirë në trafikim seksual. Në vitin 2020, "New York Times" akuzoi ish-shefin e marketingut të "L Brands", kompania bijë e "Victoria's Secret", Edward Ed Razek për "mizogjini dhe ngacmim" brenda markës së modës.

Ed Razek u akuzua se i detyronte modelet t'i uleshin në prehër dhe i puthte me forcë. Njëri tha se ai e preku atë në zonën intime para se të dilte në pistë dhe rreth 30 njerëz që bashkëpunuan ose ishin të lidhur me markën në një mënyrë të caktuar, treguan detajet e tmerrshme.

"Akuzat janë kategorikisht të rreme, të keqinterpretuara dhe të nxjerra jashtë kontekstit," tha Razek për The Times.

Razek u paralajmërua për sjellje të papërshtatshme nga drejtues të tjerë në kompani dhe disa gra zbuluan se kishin probleme të mëdha pasi u ankuan për ngacmimet. Casey Taylor, e cila punonte në departamentin e marrëdhënieve me publikun e 'Victoria's Secret', tha se Razek një herë e përgjonte, e peshonte nga koka te këmbët, u ankua për peshën e saj dhe i tha se buka dhe makaronat ishin të këqija. Ajo e raportoi atë tek burimet njerëzore, por askush nuk u përgjigj. Ajo u largua shpejt nga kompania.

victoria secret

Sondazh

Poll

MË SHUMË