Bota

Putin: Rusët janë të gatshëm të mbrojnë të ardhmen e vendit

 Në të njëjtën kohë, Putin falënderoi të gjitha gratë ruse që ia kanë kushtuar jetën mëmësisë.

8 Mars 2023, 18:47 Nga a.l
Putin: Rusët janë të gatshëm të mbrojnë të
Vladimir Putin

RUSI- Presidenti rus Vladimir Putin ka deklaruar se Rusia po përballet me kërcënime të drejtpërdrejta për sigurinë dhe sovranitetin e saj. Në një ceremoni në Kremlin për dhënien e çmimeve shtetërore për gratë në Ditën Ndërkombëtare të Gruas ai njohu gatishmërinë e popullit për të mbrojtur të ardhmen, për të mbrojtur të vërtetën.

“Tani që Rusia po përballet me kërcënime të drejtpërdrejta ndaj sigurisë dhe sovranitetit të saj, ne shohim shumë shembuj të guximit dhe vendosmërisë, guximit dhe vullnetit për të mbrojtur të vërtetën, për të mbrojtur njerëzit dhe vetë të ardhmen e shtetit tonë”, tha ai.

Kreu i shtetit uroi pjesëmarrëset e ceremonisë dhe të gjitha gratë, duke e cilësuar festën të mrekullueshme dhe të dashur për të gjithë, shkruajnë mediat e huaja. 

“Ndoshta në vendin tonë nuk ka industri të tilla, fusha aktiviteti ku gratë nuk do të arrinin rezultate serioze, të konsiderueshme”, tha presidenti. Në të njëjtën kohë, Putin falënderoi të gjitha gratë ruse që ia kanë kushtuar jetën mëmësisë.

lufta ne ukraine

Sondazh

Poll

MË SHUMË