Aktualitet

A do shemben dhe digat? Shkreli jep detaje për projektvendimin: S’përjashtohet asgjë, e nisim me pallatet

Ai replikoi me Oketën.

7 Mars 2023, 22:46 Nga F.M
A do shemben dhe digat? Shkreli jep detaje për projektvendimin:
Artan Shkreli

TIRANË- Zëvendësministri në Ministrinë e Infratrukturës dhe Energjisë Artan Shkreli është shprehur se digat, hekurudhat dhe urat mund të mos përjashtohen nga procesi i auditimit që ka nisur me pallatet e vjetra. I ftuar në “Now”, në Euronews”, Shkreli tha se fillimisht do të niset me pallatet, por nuk përjashtohet asgjë.

Pjesë nga biseda:

Oketa: Ndërtime janë dhe hekurudhat, digat dhe këto paraqesin rrezikshmëri për jetën e qytetarëve. E përfytyroni dot çfarë ndodh po të shembet një digë…

Shkreli: Këto janë të parat që do të auditohen…Një shtysë për këtë u bë tërmeti i 2019, dhe vetëm në Janar të vitit 2020  është bërë ky rregullim ligjor ku është kërkuar që objektet e vjetra t’i nënshtrohen një auditi, sepse një tërmet tjetër i asaj shkalle do rrëzonte objektet që janë dëmtuar njëherë.

Sipas një vprojektvendimi të Qeverisë, të gjithë objektet, që kanë mbi 50 vjet që janë ndërtuar do të duhet t’i nënshtrohen auditimit teknik. Kjo do konsistojë në kryerjen e ekspertizës së thelluar për të vlerësuar gjendjen teknike aktuale dhe kapacitetin mbajtës të objekteve. Në rast se vlerësohet se objekti nuk përmbush kushtet teknike, i hapet rruga riparimit ose prishjes”. Sipas projektvendimit të qeverisë subjektet që do të bëjnë auditimin teknik të objekteve do përzgjidhen nga njësitë e vetëqeverisjes vendore dhe jo nga vetë pronarët e objekteve. Ndërkohë që, auditimi teknik do i vihet në dispozicion Institutit të Ndërtimit për kryerjen e oponencës.

artan shkreli auditimi i pallateve te vjetra

Sondazh

Poll

MË SHUMË