Bota

“Stop the boats”, ku e ‘vodhi’ Rishi Sunak sloganin me të cilin lufton emigrantët e paligjshëm

Craig shton se në të slogani funksionoi, por pati dhe pretendime që qeveria e Abbott kishte paguar kontrabanditët e njerëzve që të mos trafikonin më emigrantë dhe të largoheshin nga vendi.

7 Mars 2023, 21:17 Nga F.M
“Stop the boats”, ku e ‘vodhi’ Rishi Sunak sloganin me
Rishi Sunak

BRITANI E MADHE- “Stop the boats” (stop gomoneve) ishte slogani që shkruhej në foltoren e kryeministrit britanik Rishi Sunak, i cili prej muajsh paralajmëron ligje të ashpra për emigrantët e paligjshëm, përfshirë dhe ata shqiptarë. Gazetari i Sky News Jon Craig shkruan se ky slogan është përdorur më herët nga Tony Abbott, një ish-kryeministër Australian. Craig shton se në të slogani funksionoi, por pati dhe pretendime që qeveria e Abbott kishte paguar kontrabanditët e njerëzve që të mos trafikonin më emigrantë dhe të largoheshin nga vendi.

Artikulli:

Nuk ka dyshim për mesazhin e Rishi Sunak në konferencën e tij për shtyp në Doëning Street. Në foltoren e tij mban sloganin me dy fjalë "Stop gomonet". E thjeshtë, sigurisht, si një tjetër slogan konservator: "Take Back Control".  Por a do të funksionojë? Deputetët konservatorë shpresojnë kështu, pasi mbajtja e vendeve të tyre në zgjedhjet e ardhshme mund të varet nga kjo. Nuk është një slogan i ri. Një ish-kryeministër australian, Tony Abbott, tani një këshilltar tregtar i qeverisë së Mbretërisë së Bashkuar, e vendosi atë në zgjedhjet e përgjithshme të vitit 2013. Por a funksionoi "Stop the Boats"? Nuk ka dyshime, padyshim. Por është pretenduar se qeveria e tij pagoi kontrabandistët e njerëzve. Tani edhe Sunak e ka një ide!

Prej ditësh bëhet thirrje nga Qeveria e Britanisë së Madhe e cila ka paralajmëruar grupet e trafikantëve që kalojnë emigrant të paligjshëm përmes kanalit të La Manshit. Kryeministri i Britanisë, Rishi Sunak dhe Suella Braverman kanë paralajmëruar se do të fusin në fuqi projektligjin e ri që synon të lërë jashtë shqyrtimit të gjitha format e kërkesave për azil që janë bërë nga ata emigrantë që futen në vend përmes gomoneve.

Rishi Sunak dhe Braverman do të udhëtojnë për në Paris të premten për të folur rreth krizës së emigrantëve. Gjatë muajve të fundit, ai ka qenë në bisedime intensive me Sektorin e Brendshëm dhe një rreth të vogël, të besuar të brendshëm të ministrave dhe këshilltarëve për të përpiluar një plan. Në vitin 2022, më shumë se 45,000 njerëz mbërritën në Mbretërinë e Bashkuar me anije të vogla krahasuar me 28,000 një vit më parë. Mes tyre janë raportuar se kanë qenë 10 mijë shqiptarë.

Emigrantët shqiptarë kanë qenë kryefjala e mediave britanike muajt e fundit dhe sekretarja e Brendshme Suella Braverman është treguar mjaft e ashpër me ta. Referuar numrit të burrave shqiptarë që kanë ‘zbarkuar’ në brigjet britanike, rreth 10 mijë, Sekretarja e Brendshme britanike është shprehur se vendi po pushtohet prej tyre. Këto fjalë nxitën një retorike të ashpër dhe përgjigjia e kryeministrit Edi Rama nuk mungoi. 

Gjuha e Braverman është krahasuar me atë të nazistëve. Një e mbijetuar e Holokaustit rrëfeu për Sky News se gjuha e përdorur nga Sekretarja e Brendshme Suella Braverman për të përshkruar emigrantët është shumë e ngjashme me atë që u përdor në Gjermaninë naziste kundër popullit hebre. Joan Salter, 83 vjeçe, tha se kur dëgjonte termat 'tufë' dhe 'pushtim', i kujtohej gjuha e përdorur për të justifikuar vrasjen e familjes së saj dhe miliona të tjerëve. 

rishi sunak shqiptaret ne angli

Sondazh

Poll

MË SHUMË