Bota

Studimi në Afganistan/ Shpresat zbehen ndërsa universitetet rihapen pa lejuar asnjë vajzë

Ministria e Arsimit të Lartë njoftoi në fund të vitit të kaluar se studentëve femra do tu ndalohet kthimi në klasë, duke përmbysur politikat që i kishin lejuar ato të vazhdonin studimet e tyre pasi qeveria talebane mori pushtetin në Kabul në vitin 2021.

7 Mars 2023, 20:36 Nga I.A
Studimi në Afganistan/ Shpresat zbehen ndërsa universitetet rihapen pa
Studentet afgane

AFGANISTAN- Universitetet afgane kanë filluar të rihapen pas një pushimi dimëror, por termi i ri është një tjetër kujtesë e dhimbshme për gratë e reja se si bota e tyre po tkurret. Ministria e Arsimit të Lartë njoftoi në fund të vitit të kaluar se studentëve femra do tu ndalohet kthimi në klasë, duke përmbysur politikat që i kishin lejuar ato të vazhdonin studimet e tyre pasi qeveria talebane mori pushtetin në Kabul në vitin 2021.

"Tani unë jam një Askush. Plani im ishte të mbaroja universitetin, të bëja masterin dhe më pas doktoraturën. Doja të punoja dhe t'i shërbeja kombit tim, popullit tim, vendit tim. Nuk mund ta bëj këtë tani," tha një studente e vitit të katërt të shkencave kompjuterike.

Vetëm disa muaj më parë, ajo dhe miqtë e saj kishin folur se si të përgatiteshin për diplomim. Tani disa të reja që folën me BBC-në thanë se qanin ndërsa ndanin kujtime të kohëve të lumtura shpresëdhënëse dhe shikonin vëllezërit dhe kushërinjtë e tyre të rifillonin studimet pa to.

Atefa, e vetmja që dëshiron të lejojë që emri i saj të përdoret për artikullin, është një studente 19-vjeçare e shkencave kompjuterike në Herat, e cila nuk pati as mundësinë për të krijuar ato kujtime. Ajo sapo kishte kaluar provimin pranues në universitet dhe kishte planifikuar të bëhej një zhvilluese e faqeve të internetit, por gjithçka ishte tretur.

"Miqtë e mi dhe unë kemi bërë shumë presion mbi veten tonë për të kaluar provimin por ëndrra ime nuk mund të realizohej… ajo ka marrë fund," tha ajo.

afganistan arsimi ne afganistan

Sondazh

Poll

MË SHUMË