Aktualitet

Skema e rimbursimit të blegtorëve, Resuli: Përjashtuese dhe diskriminuese, qumështi vendas po ndërrohet me atë pluhur

Ai thotë se rënia e produktit vendas po zëvendësohet me qumësht pluhur. 

6 Mars 2023, 10:43 Nga f.g
Skema e rimbursimit të blegtorëve, Resuli: Përjashtuese dhe
Ervin Resuli

TIRANE- Eksperti dhe sipërmarrësi Ervin Resuli e quan të pamjaftueshëm, diskriminues dhe përjashtues vendimin e Ministrisë së Bujqësisë për skemën kombëtare të subvencionit për blegtorët. Në një postim në rrjetet sociale, Resuli ka vënë në pah shifrat zyrtare nga INSTAT ku rezulton se në 5 vitet e fundit, blegtoria është në rënie ndërsa importi i qumështit serb është rritur. Ai thotë se rënia po zëvendësohet me qumësht pluhur. 

POSTIMI I PLOTE: 

Shkëlqimi dhe rënia e blegtorisë, pse po zëvendësohen me qumësht pluhur ?
INSTAT?Referuar shifrave zyrtare, 5 vitet e fundit numri i krerëve të blegtorisë ka rënë ndjeshëm. Konkretisht, në 2017 në vend numëroheshin 349 mijë lopë qumështore . Në fund të 2021 numri i tyre është pakësuar në 71 mijë krerë .
Fieri, qarku me përqëndrimin më të lartë të blegtorisë, po përballet me rënien më të madhe të numrit të krerëve. Në fund të 2021 në Fier numërohen 38 mijë e 600 lopë nga 47 mijë e 700 që kanë qënë në 2018.
Shqipëria jo vetëm që nuk eksporton qumësht në vendet e BE-së, por shënoi rritje të importit të këtij produkti kryesisht nga Serbia. Nga të dhëna nga Drejtoria e Përgjithshme e Doganave që tregojnë se në 2021, importi i qumështit nga Serbia u rrit me mbi 5 milionë litra krahasuar me 2020-n, ose me 310 %.
Blegtorët shqiptarë pa mbështetje nga skemat kombëtare e të zhgënjyer, të fundit në rajon për nga buxheti i dedikuar.Pavarësisht se deklarohet prioritet nga qeveria, ajo mbetet pas, sa i përket investimit në skemën direkte nga buxheti i shtetit në ndihmë të blegtorëve.Subvencioni është i pamjaftueshëm, nuk ndihmon në formalizmin e këtij sektori,nuk e rrit atë ,është përjashtues dhe diskriminues.
Fondet e vendosura jo vetëm që janë të pamjaftueshme, por janë në përpjestim të zhdrejtë me peshën që zë sektori në ekonomi, pasi bujqesia dhe blegtoria kontribuon në rreth 20 % në prodhimin bruto dhe merr nga buxheti vetem 0.7 % të tij.
#meblegtoret #mefermeret #mbzhr #akvmb #aku
#NJERËZITEBUJQËSISË./Dosja.al

ervin resuli skema kombetare e subvencionit

Sondazh

Poll

MË SHUMË