Sport

Kampionët e Botës, me në krye kapitenin Leo Messi, të gjithë para Scalionit për dy ndeshjet e ardhshme të Argjentinës...

Trajneri i Argjentinës, Lionel Scaloni, shpalli të premten listën e tij me 35 lojtarë për dy ndeshjet e para të ‘Albicelestve’, më 23 dhe 28 mars, që nga titulli i botës në Katar.

3 Mars 2023, 16:42 Nga DOSJA

Kampionët e Botës, me në krye kapitenin Leo Messi, të

ARGJENTINE - Trajneri i kombëtares së Argjentinës, Lionel Scaloni, ka komunikuar këtë të premte një listë me 35 lojtarë për dy takimet e ardhshme të ‘Albicelestëve’: për dy ndeshje miqësore, më 23 mars në Monumental të Buenos Aires kundër Panamasë dhe më pas, më 28 mars, kundër Curaçaos në Santiago del Estero, në veri të Kordobës.

Prandaj, kampionët në fuqi të botës do të bëjnë grumbullimin e tyre të parë atje që nga triumfi në finalen e Kupës së Botës, më 18 dhjetor kundër Francës (3-3, 4-2 me penallti). Në grup janë të gjithë ‘tenorët’ e kombëtares argjentinase, nga Lionel Messi (PSG) te Angel Di Maria (Juventus), nëpërmjet Rodrigo De Paul (Atlético Madrid), Nicolas Otamendi (Benfica) dhe Lautaro Martinez (Inter).

Por do të jetë edhe një rikthim goditës, ai i Giovanni Lo Celso (Villarreal), i munguar për shkak të një dëmtimit pak para fillimit të Kupës së Botës në Katar. Lionel Scaloni, i cili sapo ka zgjatur kontratën e tij me kombëtaren deri në vitin 2026, ka thirrur edhe mrekullinë e re të vogël argjentinase: Alejandro Garnacho, 18 vjeç, anësori i Manchester United. Të rinj të tjerë në qendër të vëmendjes: Valentin Carboni (17, Inter), Lautaro Blanco (24, Elche), Máximo Perrone (20, Manchester City) dhe Facundo Buonanotte (18, Brighton).

Kampionët e Botës, me në krye kapitenin Leo Messi, të

B.T (Dosja.al)

 

Sondazh

Poll

MË SHUMË