Sport

Dybala kërkon pagat e prapambetura nga Juventusi, ndryshe e kërcënon me gjyq!...

Sulmuesi argjentinas ka rrëfyer se bardhezinjtë i janë debitorë 3 milionë euro, shumë e cila duhet likuiduar deri në prill, në mënyrë që çështja të mos përfundojë në gjykatë

3 Mars 2023, 13:08 Nga DOSJA
Dybala kërkon pagat e prapambetura nga Juventusi, ndryshe e

ITALI - Juventusi, i sanksionuar tashmë me një heqjeje prej 15 pikësh, pas transfertave që synonin veçanërisht anashkalimin e ‘fair-play’-it financiar, ‘Zonja e Vjetër’ mund të gjendet sërish në sytë e drejtësisë, për shkak të një prej ish-lojtarëve të saj. 

Në të vërtetë, Paulo Dybala, i cili veshi fanellën e bardhezinjve midis viteve 2015 dhe 2022, planifikon të bëjë një ankesë kundër torinezëve, për një rast të pagave të papaguara, siç u zbulua këtë mëngjes nga e përditshmja italiane Gazzetta dello Sport. Lojtari i kombëtares argjentinase beson se atij nuk i janë paguar jo më pak se tre milionë euro.

Siç sqaron gazeta, ish-lojtari i Juves u dëgjua më 21 shkurt në hetimin e Prisma që lidhet me financat e klubit nga viti 2019 deri në 2021 dhe për të cilin 12 persona (përfshirë Andrea Agnelli) janë dërguar në gjyq. Ky hetim dyshon se Juventusi ka bërë fitime kapitale fiktive në transferime, por edhe ka kryer manovra pagash gjatë shtyrjes së pagave gjatë periudhës së Covid. 

“Kur bëmë marrëveshjen për zhvendosjen e pagave, e dinim që nëse do të kisha akoma kontratë, detyrimet e prapambetura do të paguheshin me rritje në ato të radhës, nëse përkundrazi do të largohesha, duhej të më paguanin menjëherë.

Di që në prill 2023, Juventus ka mundësinë e fundit për t'i paguar këto afërsisht 3 milionë. Nëse nuk është kështu, avokati im do të bëjë kërkesat me shkrim, megjithëse shpresoj të mos shkoj kaq larg. Dua të më japin paratë e mia, por pa provë, duke shmangur problemet për mua dhe Juventusin”,- ka shpjeguar argjentinasi para hetuesve.

B.T (Dosja.al)

 

Sondazh

Poll

MË SHUMË