Politike

"Socialistët të bashkohen në revolucion'/ Berisha: Rama i pashpirt! Vendos pas kryeministrisë vazon 4 mln euro, vjedh pasurinë e shqiptarëve

Berisha tha se Rama nuk do shpenzonte 4 mln euro për një vazo pas kryeministrisë, por do u shpërndante ilaçe për 1 muaj, pensionistëve shqiptarë.

3 Mars 2023, 13:29 Nga A.B
"Socialistët të bashkohen në revolucion'/ Berisha: Rama
Sali Berisha

TIRANË- Kryedemokrati Sali Berisha kishte një thirrje për socialistët. Gjatë protestës së sotme përballë kryeministrisë, Berisha tha se kryeministri është i pashpirt, pasi nuk mendon për qytetarët. Nëse do mendonte, Berisha tha se Rama nuk do shpenzonte 4 mln euro për një vazo pas kryeministrisë, por do u shpërndante ilaçe për 1 muaj, pensionistëve shqiptarë.

'Kryeministri i pashpirt, vendos prapa kësaj ndërtese vazon 4 mln euro, të mjaftueshme për të blerë ilaçet 1 muaj të gjithë pensionistët shqiptarë. Në një kohë kur ju gëzimet familjare, dasmat, ditëlindjet mezi i gëzoni se nuk keni para.

Ai shpenzon me avionin e tij, këto miliona euro, 10 mijë dollarë dreka, janë vjedhje xhepi për këtë. Vjedhjet e tjera janë qindra herë më të mëdha, firmos 420 mln euro për djegësa që nuk ekzistojnë, vjedh sipas kontrollit të lartë të shtetit 122 mln lekë, që mjaftojnë për të ngritur me 130% rrogat e shqiptarëve. Vjedh Portin e Durrësit, pasurinë më të çmuar të shqiptarëve. 

Edi Rama, nuk mund të mposhtësh idealet e qytetarëve. Sot, pasi asgjesori PD-në, i hoqi të drejtat, votën e çdo gjë. Ai kërkon të asgjesojë. Revolucioni ynë ka misionin e madh të demokracisë. Luftoni për vete, për të ardhmen tuaj, për vendin tuaj të bekuar, për Shqipërinë. Po u bëj thirrje socialistëve, bashkohuni me këtë revolucion, idealet tuaja nuk janë vjedhja, nuk janë shkretimi i Shqipërisë.'- tha Berisha.

 

protesta per mcgonigal sali berisha

Sondazh

Poll

MË SHUMË