Politike

Këshilltari i DASH për Antiterrorin mbërrin në Tiranë, dy ditë vizitë zyrtare, porosia: Duhet thellim i bashkëpunimit

Guerrero u shpreh se zhvillimi më tej dhe forcimi i kapaciteteve operacionale dhe i personelit të strukturave të Ministrisë së Brendshme përgjegjëse për luftën ndaj Terrorizmit dhe Ektremizmit të Dhunshëm janë prioritet për zyrën që ai përfaqëson.

27 Shkurt 2023, 13:24 Nga F.M
Këshilltari i DASH për Antiterrorin mbërrin në Tiranë,
Këshilltari i Departamentit Amerikan të Shtetit (DASH) për Antiterrorin, Dan Guerrero

TIRANË- Këshilltari i Departamentit Amerikan të Shtetit (DASH) për Antiterrorin, Dan Guerrero ka zhvilluar një vizitë dy ditore në Tiranë. I shoqëruar nga Sekretari Politik dhe Ushtarak i Ambasadës së SHBA-ve në Tiranë, Tobei Arai, si dhe Drejtori i Qendrës Kundër Ektremizmit të Dhunshëm, Denion Meidani, Guerrero u takua me drejtorin e Përgjithshëm të Policisë së Shtetit, Muhamet Rrumbullaku, zv.ministren Romina Kuko, Drejtorin e Qendrës Kundër Ektremizmit të Dhunshëm Denion Meidani, si dhe drejtues të Drejtorisë së Antiterrorit, në Policinë e Shtetit.

Guerrero u shpreh se zhvillimi më tej dhe forcimi i kapaciteteve operacionale dhe i personelit të strukturave të Ministrisë së Brendshme përgjegjëse për luftën ndaj Terrorizmit dhe Ektremizmit të Dhunshëm janë prioritet për zyrën që ai përfaqëson.

“Njëkohësisht thellimi i bashkëpunimit ndërmjet Ministrisë së Brendshme dhe strukturave përgjegjëse amerikane për antiterrorin dhe ektremizmin dhe mbështetje për reformat ishte gjithashtu një temë tjetër diskutimi,”- thuhet në njoftimin e Ministrisë së Brendshme.

Guerrero dhe Arai së bashku me përfaqësues të tjerë të Ambasadës së SHBA-ve në Tiranë, morën pjesë dhe në një tryezë të rrumbullakët pune pranë Qendrës Kundër Ektremizmit të Dhunshëm ku u diskutua për luftën e përbashkët kundër terrorizmit dhe ektremizmit. Në këtë tryezë, merrnin pjesë zyrtarë të Policisë së Shtetit, Qendrës Kundër Ektremizmit të Dhunshëm, Interpol Tirana, Doganat etj.

dan guerrero taulant balla

Sondazh

Poll

MË SHUMË