Bota

Çfarë tregoi “eksperimenti” që zgjati gjashtë muaj? Të punosh 4 ditë më javë...është më mirë

Agjencia bashkëpunoi me studiues nga Kolegji i Bostonit, Universiteti i Dublinit dhe Kembrixhit për kërkimin.

21 Shkurt 2023, 18:19 Nga k.m.
Çfarë tregoi “eksperimenti” që zgjati gjashtë
Foto ilustruese

ZELANDË E RE- Nëse po përpiqeni ta bindni shefin tuaj të punoni 4 ditë, një studim i ri mund t'ju ndihmojë të arrini qëllimin tuaj. "4 Day Week Global" - një organizatë jofitimprurëse me bazë në Zelandën e Re - publikoi të dhëna nga 33 kompani pjesëmarrëse që punësojnë mbi 2,000 njerëz me bazë në SHBA, Australi, Irlandë, Mbretërinë e Bashkuar, Zelandën e Re dhe Kanada, të cilat miratuan planin 4-ditor për një program pilot që zgjati 6 muaj.

Agjencia bashkëpunoi me studiues nga Kolegji i Bostonit, Universiteti i Dublinit dhe Kembrixhit për kërkimin.

Një total prej rreth 2,900 punëtorësh nga industri të ndryshme (nga shitja me pakicë, financa, konsulenca e biznesit, IT, marketing dhe kujdesi shëndetësor) punuan për 4 ditë. Gjatë gjithë periudhës, studiuesit vlerësuan ndikimin e një dite shtesë pushimi.

Hulumtimi zbuloi se një javë me më pak ditë pune ishte... një "sukses i jashtëzakonshëm".

Juliet Schor, një profesoreshë sociologjie në Kolegjin e Bostonit dhe studiuesja kryesore e provës, tha se punëtorët nuk raportuan një rritje të intensitetit të punës.

“Kjo sugjeron se strategjia e riorganizimit të punës pati sukses dhe se performanca nuk u arrit përmes rritjes së intensitetit të punës, e cila nuk është as e qëndrueshme dhe as e dëshirueshme”.

Me pak fjalë, performanca e punës ishte më e mirë pa pasur nevojë të ushtrohej më shumë presion mbi punëtorët.

Punëtorët që morën pjesë në një sondazh të ngjashëm në Mbretërinë e Bashkuar i thanë CNN Business se si dita shtesë e pushimit ndryshoi jetën e tyre për mirë, duke u dhënë atyre më shumë kohë për të bërë gjëra të tjera, për të ndjekur hobet e tyre ose thjesht për t'u çlodhur.

Përfundimi i raportit

“Kompanitë janë jashtëzakonisht të kënaqura me performancën, produktivitetin dhe përvojën e tyre të përgjithshme. Të ardhurat u rritën. Ditët e sëmundjes dhe mungesat janë ulur. Kompanitë po punësojnë njerëz të rinj, ndërsa dorëheqjet ishin ulur. Punonjësit janë edhe të emocionuar.”

Sondazh

Poll

MË SHUMË