Sport

Van Basten kritikon transferimin e Antony: "Ai ngatërrohet me ato që përpiqet të bëjë"

Ish-sulmuesi holandez mendon se ‘Djajtë e Kuq’ nënshkruan me lojtarin e gabuar te Ajax

21 Shkurt 2023, 15:55 Nga DOSJA
Van Basten kritikon transferimin e Antony: "Ai ngatërrohet me ato

HOLANDE - Marco Van Basten, në një prononcim për televizionin holandez 'Ziggo Sport', kritikoi Antony, anësorin brazilian të Manchester United, duke u shprehur se ‘Djajtë e kuq’ kanë zgjedhur lojtarin e gabuar për të nënshkruar te Ajax.

"Antony ka truket e tij, por ai ngatërrohet shumë me gjërat që përpiqet të bëjë. (Mohammed) Kudus ka shumë më tepër teknikë dhe e di se çfarë po bën. Antony mund të jetë edhe më i shpejtë, por Kudus është më inteligjent dhe teknik,"- filloi ai duke thënë.

Duke shtuar: "Ai është shumë më tepër një futbollist, mund ta vendosësh kudo në fushë. Ai është shumë i gjithanshëm. Në fakt, më pëlqen shumë, më shumë se Antoni. Është shumë më argëtuese ta shikosh duke luajtur,"- përfundoi ai.

Antony, kujtojmë, është lojtari i dytë më i shtrenjtë në historinë e Manchester United, pasi në gusht të vitit të kaluar ka kushtuar rreth 95 milionë euro për arkën e klubit anglez.

B.T (Dosja.al)

Sondazh

Poll

MË SHUMË