Aktualitet

"Me origjinë nga Gramshi?", busti i filozofit marksist hap debat, a ishte shqiptar Antonio Gramsci?

Edhe pse pa u mbështetur në asnjë fakt historik, busti ka mbirë në mes të sheshit. "Me origjinë nga Gramshi", -shkruhet në tabelën shoqëruese duke i shqipëruar edhe emrin. 

21 Shkurt 2023, 10:24 Nga f.g
"Me origjinë nga Gramshi?", busti i filozofit marksist hap debat,
Antonio Gramsci

TIRANE- Një bust është vendosur përgjatë muajit shkurt në qendër të qytetit të Gramshit, në sheshin me emër “Kamber Dërmyshi”. Në qendër të sheshit është vënë busti i Antonio Gramci, një filozof marksist, themelus i Partisë Komuniste Italiane. 

"Me origjinë nga Gramshi?", busti i filozofit marksist hap debat,

Edhe pse pa u mbështetur në asnjë fakt historik, busti ka mbirë në mes të sheshit. "Me orgjinë nga Gramshi", -shkruhet në tabelën shoqëruese duke i shqipëruar edhe emrin. 

Por si qëndron e vërteta? Studiuesi Edon Qesari ka publikuar edhe një pasazh nga autobiografia e vetë Antonio Gramscit, ku ai flet për rrënjët shqiptare. "E vetmja dëshmi, e dokumentuar qartas, për “shqiptarinë” e Antonio Gramsci-t vjen nga një pohim i vetë atij, kur, në një letër që i dërgon kunatës së vet, Tania Schucht, më 12 tetor 1931, shkruan:

“… Unë vetë nuk i përkas asnjë lloj race (lexo: identiteti etnik); im atë është me prejardhje shqiptare, familja e tij u arratis nga Epiri gjatë luftës së vitit 1821, por shpejt u italianizua. Megjithatë, i përkas kulturës italiane, në thelb kjo është bota ime; (…) Të qenit unë shqiptar për nga prejardhja nuk është llogaritur, pasi edhe [Francesco] Crispi ishte shqiptar, i arsimuar në një shkollë shqiptare."",-shkruan Qesari.

Kush është Antonio Gramci? Gramshi lindi në 1891 në Ales Sardinia dhe vdiq në moshë të re në Romë, 1937. Ai shkroi mbi filozofinë, teorinë politike, sociologjinë, historinë dhe gjuhësinë. Ai ishte një anëtar themelues dhe dikur udhëheqës i Partisë Komuniste Italiane. Gramsci është më i njohur për teorinë e tij të hegjemonisë kulturore, e cila përshkruan se si shteti dhe klasa kapitaliste në pushtet – borgjezia – përdorin institucionet kulturore për të ruajtur pushtetin në shoqëritë kapitaliste. Familja e tij jetonte në Italinë Jugore në Kalabri, ndërsa vetë Gramsci besonte se familja e tij nga ana e babait ishte larguar nga Shqipëria që në vitin 1821./Dosja.al

antonio gramsci busti i antonio gramscit

Sondazh

Poll

MË SHUMË