Sport

Portieri i Birminghamit ishte shënjestër racizmi: “Ai më quajti 'kinez m***”...

Neil Etheridge, portieri anglez 33-vjeçar, e zbuloi rastin në një intervistë për gazetën 'The Sun'.

19 Shkurt 2023, 07:21 Nga DOSJA
Portieri i Birminghamit ishte shënjestër racizmi: “Ai më

ANGLI - Neil Etheridge, portieri i Birminghamit, i lindur në Angli, por me origjinë nga Filipinet, raportoi këtë të shtunë, në një intervistë ekskluzive për gazetën 'The Sun', se së fundmi ishte shënjestër e ofendimeve raciste, gjatë një ndeshje të Kupës FA, kundër Blackburn Rovers, më 28 janar, në stadiumin kundërshtar.

Sipas portierit 33-vjeçar, gjithçka ndodhi nga një moment kur ai po festonte golin e skuadrës në barazimin (2-2) në ndeshjen e parë të fazës së 32-të të kompeticionit. 

“Ne shënuam golin e barazimit në minutën e fundit në Ewood Park, festova afër vijës së mesfushës dhe teksa po kthehesha drejt portës dëgjova ato ofendime tipike, që jemi mësuar t'i dëgjojmë. Më pas, papritur, një person ngrihet nga turma në tribunë dhe çdo gjë u shëmtua shumë. Ai më tha: "Kinez m***..."

Me pas ai tërhoqi sytë për të lënë përshtypjen se i ishin "shqyer" në një pjesë të trupit tim që as nuk e dija se e kisha. Ndihesh plotësisht i mpirë, i degraduar, i pavlerë. Është një ndjenjë shumë e çuditshme", ka thënë Neil Etheridge. E raportova incidentin te arbitri, i cili e trajtoi mirë dhe më pas u përfshi edhe Federata e Futbollit. 

Policia ka gjetur këtë person, i cili ka pranuar veprën penale. Ishte 15 vjeç. Ky fëmijë tha se nuk mendonte se kishte thënë ndonjë gjë raciste. Kjo është lloji i sjelljes me të cilin kemi të bëjmë, mungesë e plotë edukimi dhe mirëkuptimi”. 

Për sa i përket barazimit, Blackburn Rovers do të buzëqeshte në fund, duke kaluar në 1/16 e Kupës FA pas triumfit 1-0, duke përdorur kohën shtesë, në ndeshjen e dytë.

B.T (Dosja.al)

Sondazh

Poll

MË SHUMË