Politike

Meta mbledh Kryesinë: Partia e Lirisë në betejë të jashtëzakonshme për të vendosur parlamentarizmin në ‘shinat e duhura’

Meta tha se kjo forcë politike ka marrë përsipër shumë nisma ligjore, por se disa prej tyre janë bllokuar nga “Rilindja”.

17 Shkurt 2023, 18:47 Nga A.B
Meta mbledh Kryesinë: Partia e Lirisë në betejë të
Ilir Meta

TIRANË- Kreu i Partisë së Lirisë Ilir Meta, mblodhi ditën e sotme Kryesinë e partisë. Meta tha se 'Partia e Lirisë' është në një betejë të jashtëzakonshme për të vendosur parlamentarizmin në “shinat e duhura”, ndërsa shtoi se kjo forcë politike ka marrë përsipër shumë nisma ligjore, por se disa prej tyre janë bllokuar nga “Rilindja”.

“Ndaj edhe njëherë dua të falenderoj të gjithë anëtarët e kryesisë për angazhimin e deritanishëm në të gjithë këtë betejë të jashtëzakonshme për të rivendosur parlamentarizmin në shinat e duhura dhe bashkë me të dhe llogaridhënien dhe funksionimin e shtetit të së drejtës. Falenderoj deputetët tanë për punën e jashtëzakonshme dhe janë ndër deputetët më aktivë në Parlamentin e Shqipërisë dhe njëkohësisht jemi dhe një forcë politike, e cila ka paraqitur shumë nisma ligjore, projektligje në interes të qytetarëve, siç është ai për indeksimin e pagave, në interes të qytetarëve, të sipërmarrësve, por edhe të zgjidhjes së krizës energjetike, siç është ai për liberalizimin e prodhimit të energjisë foltovoltaike deri në 2 megavat dhe shumë iniciativa të tjera që mbahen të bllokuara. Ashtu sikurse bëhet gjithçka nga Banda e Rilindjes për të bllokuar përfshirjen e Partisë së Lirisë, dhe jo vetëm të saj, por në mënyrë të veçantë të saj, përsa I takon proceseve integruese të vendit. Për arsye se dihet se Partia e Lirisë, si një forcë e përkushtuar për integrimin europian të vendit, natyrisht që cënon interesat e Rilindjes, që vetëm integrimin europian të vendit nuk e ka prioritet, përkundrazi e ka problem të madh, sepse e pengon për të arritur këto nivele galopante të korrupsionit, përmes bllokimit të llogaridhënies. Ndaj nuk është rastësi edhe hapi I fundit që ndërmorën ministrat e financave të Bashkimit Europian për të rikthyer Shqipërinë në monitorim, përsa I takon regjimit fiskal, për arsye të hapave mbrapa që janë bërë në këtë drejtim në vend, por edhe të kërcënimit të kokëfortësisë për të vazhduar me amnistinë fiskale, e cila synon ta kthejë Shqipërinë në një parajsë fiskale për bosët e krimit të organizuar, oligarkët dhe për vetë Edi Ramën dhe në një ferr për të gjithë shqiptarët e ndershëm, dhe në mënyrë të veçantë për të gjithë sipërmarrësit, të cilët kërkojnë barazi të ligjit për të gjithë'- u shpreh ai.

Mbledhja e sotme e Kryesisë nën drejtimin e Metës mori disa vendime të karakterit organizativ për zgjedhjet e vendore të 14 majit.

Kryesia vendosi të emërojë Brunilda Paskalin, Sekretare për Çështjet Sociale dhe Barazinë GjinoreMeta u shpreh se nesër Komiteti Drejtues Kombëtar do t’i miratojë përfundimisht këto kritere, ndër të cilat përmendi integritetin, lidhjet me komunitetin dhe fuqinë denoncuese ndaj korrupsionit.

ilir meta

Sondazh

Poll

MË SHUMË