Bota

8 vite në krye të vendit, Nicola Sturgeon jep dorëheqjen si kryeministrja e Skocisë

Sturgeon ka qenë anëtare e Parlamentit Skocez që nga viti 1999 dhe u bë nënkryetare e SNP-së në vitin 2004.

15 Shkurt 2023, 12:00 Nga I.A
8 vite në krye të vendit, Nicola Sturgeon jep dorëheqjen si
Nicola Sturgeon

SKOCI- Nicola Sturgeon do të japë dorëheqjen si kryeministrja e Skocisë pas më shumë se tetë vitesh në krye të vendit.
Kryetarja e Partisë Kombëtare Skoceze pritet të bëjë njoftimin në një konferencë shtypi të organizuar në Edinburg. Nuk mendohet që largimi i saj të jetë i menjëhershëm, duke lënë kohë që të zgjidhet pasardhësi.

Sturgeon ka qenë anëtare e Parlamentit Skocez që nga viti 1999 dhe u bë nënkryetare e SNP-së në vitin 2004. Ajo ka qenë kryeministre që nga nëntori 2014, kur mori postin nga Alex Salmond pas humbjes në referendumin e pavarësisë. Sturgeon e ka udhëhequr SNP-në drejt një sërë fitoresh zgjedhore në nivel MB, skocez dhe lokal.

Vitin e kaluar Gjykata e Lartë e Mbretërisë së Bashkuar vendosi se Holyrood nuk kishte fuqinë për të organizuar një referendum tjetër për pavarësinë, një veprim i cili është bllokuar nga qeveria e MB. Sturgeon dëshiron që SNP të luftojë zgjedhjet e ardhshme të përgjithshme si një referendum de fakto, por ka pasur disa kundërshtime ndaj planit brenda SNP. Përveç kësaj, muajt e fundit janë parë polemika mbi reformat gjinore, të cilat janë bllokuar nga qeveria e Mbretërisë së Bashkuar.

nicola sturgeon

Sondazh

Poll

MË SHUMË