Bota

OKB: Apel për të mbledhur 400 milionë dollarë për viktimat e tërmetit në Siri

Antonio Guterres tha se Organizata po kërkon të mbledhë 397 milionë dollarë për viktimat e tërmetit të Sirisë. Ai sqaroi se një apel i ngjashëm po përgatitet edhe për mbledhjen e fondeve për viktimat e tërmetit në Turqi.

14 Shkurt 2023, 17:07 Nga A.B
OKB: Apel për të mbledhur 400 milionë dollarë për
OKB

SHBA- Sekretari i Përgjithshëm i OKB-së apeloi sot për 400 milionë dollarë donacione që do të mblidhen urgjentisht për të mbuluar "nevojat më urgjente humanitare" të viktimave të tërmetit në Siri për tre muaj.

Duke folur me gazetarët, Antonio Guterres tha se Organizata po kërkon të mbledhë 397 milionë dollarë për viktimat e tërmetit të Sirisë. Ai sqaroi se një apel i ngjashëm po përgatitet edhe për mbledhjen e fondeve për viktimat e tërmetit në Turqi.

Një kolonë e parë që transportonte furnizime thelbësore për zonat e kontrolluara nga rebelët në Sirinë veriore kaloi sot përmes pikës kufitare Bab al-Salamah në kufirin me Turqinë. Është hera e parë që ky vendkalim përdoret që nga viti 2020. Kolona përbëhet nga 11 kamionë që i përkasin Organizatës Ndërkombëtare për Migracionin, tha një përfaqësues i agjencisë së OKB-së në Gjenevë.

OKB-ja njoftoi se presidenti sirian Bashar al-Assad kishte miratuar hapjen e dy pikave të reja kufitare midis Turqisë dhe Sirisë për një periudhë prej tre muajsh për të lejuar shpërndarjen në kohë të ndihmës humanitare për viktimat. Përveç Bab al-Salaama, al-Rai gjithashtu do të rihapet, gjë që "do të lejojë më shumë ndihma të kalojë më shpejt", tha Guterres.

Kamionët po mbajnë tenda, dyshekë, batanije dhe qilima, tha zëdhënësi i IOM-it, Paul Dillon.

Kalimi kufitar Bab al-Salamah lidh Turqinë me zonat veriore të provincës Alepo, të kontrolluara nga rebelët sirianë besnikë ndaj Ankarasë dhe shtëpia e 1.1 milion njerëzve. 

okb antonio guterres

Sondazh

Poll

MË SHUMË