Aktualitet

Vrasja e Santiago Malkos, arrestohet në Belgjikë Leonard Duka, i shumëkërkuari u gjet në një provincë në Bruksel

Që pas vrasjes, Policia organizoi disa operacione të dështuara për arrestimin e dy vëllezërve. Lëvizjet e tyre ishin të shpeshta dhe ata nuk mundën të arrestoheshin, por tashmë, Leonard Dukën e pret ekstradimi. Ai u prangos në një shtëpi private në një provincë të Brukselit, nga njësia Fast.

14 Shkurt 2023, 10:54 Nga f.g
Vrasja e Santiago Malkos, arrestohet në Belgjikë Leonard Duka, i
Leonard Duka, Santiago Malko dhe pamje nga vendngjarja

TIRANE- 3 vite nga vrasja e ish-policit Santiago Malko, arrestohet në Belgjikë Leonard Duka. Leonard Duka është një nga personat e shpallur në kërkim për këtë vrasje. Bashkë me të vëllain, Erlis Dukën dhe 7 persona të tjerë, Leonard Duka akuzohet se organizuan dhe vunë në jetë planin për ekzekutimin e Malkos, një ngjarje e rëndë që ndodhi më 27 gusht 2019, në zonën e Xhamllikut në Tiranë. Por si u arrestua Duka? Që pas vrasjes, Policia organizoi disa operacione të dështuara për arrestimin e dy vëllezërve. Lëvizjet e tyre ishin të shpeshta dhe ata nuk mundën të arrestoheshin, por tashmë, Leonard Dukën e pret ekstradimi. Ai u prangos në një shtëpi private në një provincë të Brukselit, nga njësia Fast.

NJOFTIMI I PLOTE: 

Policia e Shtetit/Vijon bashkëpunimi me homologët, për kapjen dhe arrestimin me qëllim ekstradimin, të shtetasve të shpallur në kërkim ndërkombëtar. Finalizohet operacioni policor i koduar “Provinca”. Operacioni, falë inteligjencës informative të siguruar nga Fast Albanaia, si dhe falë shkëmbimit në kohë të informacionit me homologët e Fast Belgjikës dhe midis ZQK Interpol Tirana e zyrës homologe të Interpol Brukselit. Kapet nga Fast Belgjika, në një provincë të Brukselit, një shtetas shumë i kërkuar ndërkombëtarisht, për krime kundër personit dhe për armëmbajtje pa leje. Në vijim të punës për grumbullimin e informacioneve, me qëllim lokalizimin dhe kapjen e shtetasve të shpallur në kërkim ndërkombëtar, falë inteligjencës informative të siguruar nga Fast Albania, për vendodhjen e një të shumëkërkuari që fshihej në një banesë private, në një provincë të Brukselit, menjëherë kanë shkëmbyer informacion me Fast Belgjikën, të cilët në kuadër të operacionit policor të koduar “Provinca“, kapën dhe arrestuan me qëllim ekstradimin shtetasin e shumëkërkuar L. D., 37 vjeç, banues në Tiranë.

Shtetasi L. D. ishte i shpallur ne kërkim ndërkombëtar nga ZQK Interpol Tirana, pasi Gjykata e Posaçme Kundër Korrupsionit dhe Krimit te Organizuar i ka caktuar masën e sigurisë “Arrest në burg”, për kryerjen e veprave penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe municionit luftarak”, të kryera në formën e grupit të strukturuar kriminal. Ky shtetas dyshohet se është një nga autorët e vrasjes së shtetasit S. M., të ndodhur në gusht të viti 2019, në rrugën “Xhanfize Keko”, Tiranë. Interpol Tirana vijon punën për ekstradimin e këtij shtetasi drejt Shqipërisë. #bashkëmepartnerët./Dosja.al

arrestohet leonard duka vrasja e santiago malkos santiago malko vritet santiago malko leonard duka

Sondazh

Poll

MË SHUMË