Aktualitet

EMRI- Në kërkim nga INTERPOLI si pjesëtar i një grupi kriminal, arrestohet në Itali 33-vjeçari shqiptar

Ramazan Grada dyshohet se ka shitur një sasi lënde narkotike heroinë, kundrejt shumës 35 000 euro.

9 Shkurt 2023, 14:16 Nga A.B
EMRI- Në kërkim nga INTERPOLI si pjesëtar i një grupi
Policia

TIRANË- Interpol Tirana në bashkëpunim me homologët italianë, kanë vënë në pranga 33-vjeçarin Ramazan Grada, të kërkuar ndërkombëtarisht si pjesëtar i një grupi kriminal në fushën e narkotikëve. Grada, dyshohet se në datat 29.03.2019 dhe 05.04.2019, në bashkëpunim me 2 të tjerë, i kanë shitur një personi tjetër, një sasi lënde narkotike heroinë, kundrejt shumës 35 000 euro. Interpol Tirana, në bashkëpunim me homologët italianë, vijon procedurat për ekstradimin e të riut drejt Shqipërisë.

NJOFTIMI I POLICISË:

Shkëmbimi i informacionit në kohë reale, mes Interpol Tiranës dhe homologëve italianë, bëri të mundur kapjen në Itali të një 33-vjeçari të kërkuar ndërkombetarisht si pjesëtar i një grupi kriminal në fushën e narkotikëve.

Gjatë 24 orëve të fundit, 33-vjeçari, shtetasi i tretë i kërkuar ndërkombëtarisht që vihet në pranga falë bashkëpunimit me partnerët.

Si rezultat i i shkëmbimit të informacionit mes Interpol Tiranës dhe autoriteteve policore italiane, u bë i mundur lokalizimi, kapja në Itali dhe arrestimi i përkohshëm, me qëllim ekstradimin drejt vendit tonë, i shtetasit shqiptar:

- R. G., 33 vjeç. Gjykata e Posaçme e Shkallës së Parë për Korrupsionin dhe Krimin e Organizuar ka caktuar ndaj këtij shtetasi, masën e sigurisë “Arrest në burg”, për veprat penale “Prodhimi dhe shitja e narkotikëve”, kryer në formën e grupit të strukturuar kriminal dhe “Kryerja e veprave penale nga organizata kriminale dhe grupi i strukturuar kriminal”. Nga veprimet hetimore të kryera me qëllim dokumentimin e plotë ligjor të veprimtarisë kriminale të 33-vjeçarit, ka rezultuar se në datat 29.03.2019 dhe 05.04.2019, ky shtetas, në bashkëpunim me 2 të tjerë, i kanë shitur një shtetasi tjetër, një sasi lënde narkotike heroinë, kundrejt shumës 35 000 euro. Interpol Tirana, në bashkëpunim me homologët italianë, vijon procedurat për esktradimin e shtetasit R. G., drejt Shqipërisë.

ramazan grada

Sondazh

Poll

MË SHUMË