Në reagimin e tij, Konjufca tha se kjo gjë është e pamundur, por shtoi se në rast se ndodh do të dalë në rrugë bashkë me qytetarët.
PRISHTINË- Kryetari i Kuvendit të Kosovës, Glauk Konjufca ka komentuar deklaratën e të dërguarit amerikan për Ballkanin Perëndimor, Gabriel Escobar, se Asociacioni i komunave serbe do të bëhet “me apo pa kryeministrin e Kosovës”. Në reagimin e tij, Konjufca tha se kjo gjë është e pamundur, por shtoi se në rast se ndodh do të dalë në rrugë bashkë me qytetarët.
“Nuk bëhet fjalë se Asociacioni i komunave serbedo të formohet me apo pa Albin Kurtin, por nuk mund të formohet pa kryeministrin e Kosovës. Nëse kryeministri ndryshon qëndrim, edhe pse nuk mendoj se është e realizueshme, dikush do të organizojë popullin që ta ndalojë. Nëse Kosova nuk e pranon Asociacionin, nuk mund të ndodhë,”- tha kryeparlamentari.
Madje Konjufca tha se është i gatshëm të lërë postin dhe të dalë në rrugë. Ai shton se Serbia po kërkon autonomi territoriale në Kosovë përmes Bashkimit të Komunave Serbe.
Javëve të fundit, të dërguarit nga Shtetet e Bashkuara dhe BE-ja kanë vizituar Prishtinën dhe Beogradin për t’i inkurajuar palët të pranojnë një propozim të ri – të quajtur propozim evropian – që dy shtetet të normalizojnë raportet dhe të përshpejtojnë rrugëtimin e tyre drejt BE-së.
Dialogu midis Kosovës dhe Serbisë, nën ndërmjetësimin e BE-së, ka nisur më 2011, por vetëm disa prej 33 marrëveshjeve të arritura janë zbatuar deri më tani. Tani, plani evropian – apo siç njihet edhe si propozimi franko-gjerman – nuk është bërë publik. Por SHBA-ja ka rritur presionin ndaj Prishtinës që të zbatojë marrëveshjet e arritura për Asociacionin më 2013 dhe 2015. Gjykata Kushtetuese e Kosovës më 2015 tha se disa pika të marrëveshjes nuk ishin në harmoni me Kushtetutën, por që mund të harmonizohen.
Kurti tha se themelimi i Asociacionit nuk është prioriteti i tij, por javën e kaluar ai shpalosi disa kushte për të, përfshirë edhe që Asociacioni të jetë pjesë e një marrëveshjeje për normalizimin e raporteve dhe të zbatohet pas njohjes reciproke. Autoritetet në Kosovë kanë shprehur frikën se Asociacioni i Komunave serbe në Veri do të minonte shtetësinë e Kosovës.
Emmanuel Macron dhe Giorgia Meloni BRUKSEL- Ndoshta ishte pjesë e një strategjie politike, e lidhur me problemet e brendshme, mes grevave dhe pro...
Dimitar Kovaçevski dhe Afrim Gashi SHKUP- Dimitar Kovaçevski ka zhvilluar sot një takim me kryetarin e Alternativës, Afrim Gashi t&...
Foto nga artikulli TIRANË- 1085 kilometra, 4 vende të Unesco-s, 15 ditë. Këto janë numrat e itinerarit me dy rrota për të...
Volodymyr Zelenskyy UKRAINË- Presidenti ukrainas Volodymyr Zelenskyy ndodhet në Bruksel ku po mban një fjalim në Parlamentin Evropian. ...
Minj GJERMANI- Një grua në Gjermani jeton me 800 minj. Mediat gjermane shkruajnë se zyra veterinare e Wissen an der Sieg, një qytet n&e...
Balenat vrasese orka Një studim i orkave në Paqësorin verior ka zbuluar se nënat bëjnë një "sakrificë të p&eum...
vajzat afgane AFGANISTAN- Kanë kaluar gjashtë javë që kur talebanët mbyllën derën për arsimimin e vajzave n&eu...
I intervistuari TURQI- Tërmeti tragjik që tronditi Turqinë mëngjesin e të hënës ka lënë pasoja të më...
Mbreteresha e Skocise Një treshe kodthyesish kanë gjetur dhe deshifruar një thesar në letrat e humbura të shkruara nga Maria, Mbre...
Abdulrahman Ali al-Mahmoud JANDARIS- I shtrirë i fashuar në një strehë të improvizuar me vajzën e tij të mitur të m...