Bota

'Hakëmarrje' për mbështetjen ndaj Kievit, Rusia sanksionon 77 zyrtarë amerikanë

Ministria e Jashtme ruse tha se ua ka ndaluar përgjithmonë 77 shtetasve amerikanë që të hynin në Rusi. Lista përbëhet nga 33 guvernatorët e shteteve të SHBA-së dhe një mori zyrtarësh të tjerë shtetërorë dhe federalë të rangut të mesëm.

8 Shkurt 2023, 21:54 Nga a.l
'Hakëmarrje' për mbështetjen ndaj Kievit, Rusia
sanksione nga Rusia

RUSI- Rusia ka sanksionuar dhjetëra politikanë dhe zyrtarë amerikanë të mërkurën, në atë që tha se ishte një veprim hakmarrës për mbështetjen e Uashingtonit për Kievin, dhe një përgjigje ndaj sanksioneve të Perëndimit kundër Moskës.

Ministria e Jashtme ruse tha se ua ka ndaluar përgjithmonë 77 shtetasve amerikanë që të hynin në Rusi. Lista përbëhet nga 33 guvernatorët e shteteve të SHBA-së dhe një mori zyrtarësh të tjerë shtetërorë dhe federalë të rangut të mesëm.

Sanksionet e SHBA-së, BE-së dhe vendeve të tjera kundër Rusisë kanë shkuar vazhdimisht duke u rritur. Sot janë në fuqi një varg sosh nga ndalimi i mallrave dhe shërbimeve ruse deri te bllokimi i transaksioneve të saj financiare. Dhjetëra kompani ndërkombëtare po ashtu kanë pezulluar tregtinë në Rusi, ose janë tërhequr fare. Nga disa media në SHBA, sanksionet janë cilësuar si më të rëndat dhe më të koordinuarat ndonjëherë nga Perëndimi./REL

lufta ne ukraine

Sondazh

Poll

MË SHUMË