Bota

Shpërthimi në tubacionen nënujore të gazit 'Nord Stream', Moska kërkon përgjigje nga SHBA

Maria Zakharova i bëri thirrje Shtëpisë së Bardhë që të adresojë faktet e paraqitura nga gazetari Hersh pas një shkrimi investigativ të publikuar, ku pretendonte se ushtria amerikane qëndronte pas sulmeve në Nord Steam.

8 Shkurt 2023, 21:46 Nga a.l
Shpërthimi në tubacionen nënujore të gazit 'Nord
Nord Stream

SHBA-  Ministria e Jahtme e Rusisë ka deklaruar seShtetet e Bashkuara duhet t'iu përgjigjen disa pyetjeve lidhur me rolin e tyre të dyshuar në shpërthimet që shkatërruan tubacionet nënujore të gazit Nord Stream vitin e kaluar. Zëdhënësja e Ministrisë së Jashtme ruse, Maria Zakharova i bëri thirrje Shtëpisë së Bardhë që të adresojë faktet e paraqitura nga gazetari Hersh pas një shkrimi investigativ të publikuar, ku pretendonte se ushtria amerikane qëndronte pas sulmeve në Nord Steam.

"Shtëpia e Bardhë tani duhet të komentojë mbi të gjitha këto fakte," tha Zakharova në një postim në faqen e saj në Telegram, ku ajo përmblodhi pretendimet kryesore të Hersh në lidhje me përfshirjen e supozuar të SHBA.

Duke cituar një burim të paidentifikuar me njohuri të drejtpërdrejtë të planifikimit operacional, Hersh detajoi se si zhytës të aftë në ujëra të thella nga Marina e SHBA-së mbollën eksploziv C-4 gjatë një stërvitje stërvitore qershorin e kaluar, dhe më pas shpërthyen ngarkesën nga distanca tre muaj më vonë, shkruajnë mediat e huaja. 

“Presidenti Joseph Biden i pa tubacionet si një mjet për [Presidentin rus] Vladimir Putin për të armatosur gazin natyror për ambiciet e tij politike dhe territoriale,” shkroi Hersh .

Hersh është një gazetar investigativ, fitues i çmimit Pulitzer, i cili ekspozoi masakrën e vitit 1969 të civilëve vietnamezë nga forcat amerikane. Ai gjithashtu tregoi historinë e trupave amerikane që brutalizuan të burgosurit irakianë në Abu Ghraib pas pushtimit të SHBA në 2003. Rusia, pa dhënë prova, ka thënë vazhdimisht se vendet e NATO-s ishin pas shpërthimeve të shtatorit të kaluar që prekën tubacionet Nord Stream 1 dhe 2 – projekte infrastrukturore shumë miliarda dollarëshe që transportonin gazin rus në Gjermani nën Detin Baltik. Zyrtarët perëndimorë i kanë mohuar këto akuza.

nord stream 2

Sondazh

Poll

MË SHUMË