Sport

Tërmeti në Turqi/ Sporti është pezulluar... Solidaritet, klubet mbledhin donacione

Besiktas, Galatasaray dhe Fenerbahçe kanë hapur palestrat dhe stadiumet e tyre për të mbledhur furnizimet që do t’u dërgohen viktimave të tragjedisë.

6 Shkurt 2023, 20:38 Nga DOSJA

Tërmeti në Turqi/ Sporti është pezulluar... Solidaritet,

TURQI - Ministri i Sportit dhe Rinisë së Turqisë, Mehmet Kasapoglu, ka njoftuar për momentin pezullimin e të gjitha garave sportive në vend. Federata Turke e Futbollit ka njoftuar se ndeshjet e kampionatin turk për këtë të hënë janë shtyrë. 

Fenerbahçe, e drejtuar nga Jorge Jesus, do të përballej të hënën me Konyaspor. Adana Demirspor, një skuadër nga një prej qyteteve të prekura nga fatkeqësia, do të luante kundër Ümraniyespor, por jashtë shtëpisë. Ndeshja tjetër e kësaj të hëne ishte Giresunspor ndaj Kayserispor.

Klubet kryesore në Turqi kanë nisur fushata solidariteti për viktimat e tragjedisë.  Besiktas, Galatasaray dhe Fenerbahçe kanë hapur palestrat e tyre dhe ambientet e stadiumeve për të mbledhur donacione dhe për t'i dërguar ato në rajonet që pësuar dëme nga tërmeti.

Sakaq, ekipet e kërkimit po përpiqen të lokalizojnë ish-anësorin e Chelseas, Christian Atsu nga lista e Hatayspor dhe shokun e tij të skuadrës Onur Ergün. Në rrënoja thuhet se janë edhe drejtori i futbollit të klubit, Taner Savut dhe përkthyesi i ekipit, Emre.

B.T (Dosja.al)

Sondazh

Poll

MË SHUMË