Bota

ME VIDEO: Studiuesit rikrijojnë cunamin që zhduku dinosaurët

Një ekip ndërkombëtar shkencëtarësh simuloi përmbytjen globale të shkaktuar nga një asteroid 66 milionë vjet më parë.

1 Shkurt 2023, 16:00 Nga k.m.
ME VIDEO: Studiuesit rikrijojnë cunamin që zhduku dinosaurët
Foto ilustruese

SHBA- Një grup ndërkombëtar studiuesish kanë përdorur softuer të veçantë për të rikrijuar cunamin gjigant që besohet se ka zhdukur dinosaurët nga faqja e Tokës dhjetëra miliona vjet më parë. Të hënën, Administrata Kombëtare Oqeanike dhe Atmosferike e SHBA (NOAA) postoi një pjesë të simulimit kompjuterik në Twitter.

Ngjarja shkatërruese natyrore, e cila thuhet se ka qenë 30,000 herë më e fuqishme se çdo cunami i regjistruar, e se e gjitha nisi kur një asteroid masiv goditi gadishullin Jukatan të Meksikës. Trupi qiellor besohet të ketë pasur diametër më të madh se 10 km. Asteroidi la një gjurmë të thellë atje ku u ra, e cila tani njihet si krateri Chicxulub. Përplasja shkaktoi valë të larta deri në 4.5 km që u shpërndanë në të gjithë globin.

Një program i fuqishëm kompjuterik që modelon detaje të rrjedhave komplekse të lëngjeve, i quajtur hidrokod, rikrijoi 10 minutat e para të gjenerimit të cunamit, ndërsa dy modele të tjera të zhvilluara nga NOAA simuluan modele, sipas të cilave valët u përhapën në të gjithë globin. Studiuesit gjithashtu analizuan të dhënat gjeologjike nga më shumë se 100 vende në mbarë botën për të mbështetur vlerësimet e tyre.

Sipas ekipit, studimi mund të jetë me përdorim praktik pasi mund të ndihmojë në vlerësimin dhe përcaktimin sasior të rrezikut të ndikimeve të mëdha të asteroideve në të ardhmen. Për më tepër, modeli mund të ndihmojë në parashikimin e ndikimeve të cunamit në shkallë më të vogël që ndodhin rregullisht në ditët e sotme.

noaa cunami ne toke

Sondazh

Poll

MË SHUMË