Aktualitet

Vdekja e nënës 4 ditë pas lindjes, materniteti: Lindja shkoi mirë, doli nga spitali me dëshirën e saj në gjendje të mirë

Spitali deklaron se më vonë, nëna e re është paraqitur në spital me dobësi trupore dhe menjëherë ka hyrë në terapi intesive.

1 Shkurt 2023, 13:16 Nga f.g
Vdekja e nënës 4 ditë pas lindjes, materniteti: Lindja shkoi
Foto ilustruese

TIRANE- Stafi i spitalit "Koço Gliozheni" deklaron se 30-vjeçarja që ndërroi jetë disa ditë pas lindjes së foshnjes, nuk ka deklaruar asnjë shqetësim shëndetësor. Në një reagim për mediat, spitali sqaron se gruaja lindi më 28 janar një foshnje të shëndetshme, dhe ka dalë pas 2 ditësh nga spitali, pa asnjë shqetësim shëndetësor. Spitali deklaron se më vonë, nëna e re është paraqitur në spital me dobësi trupore dhe menjëherë ka hyrë në terapi intesive.

Reagimi i plotë:

SUOGJ “Koco Gliozheni” i shpreh ngushëllimet familjarëve të së ndjerës me inicialet M.V., e cila ka ndërruar jetë disa ditë pas lindjes së foshnjës. 30-vjecarja është shtruar në spitalin tonë më datë 28 janar dhe nuk ka referuar asnjë patologji shoqëruese. Lindja natyrale ka shkuar mirë, duke sjellë në jetë një djalë të shëndetshëm. Pas 48 orësh qëndrimi në spital, ku ka marrë shërbimin e nevojshëm, nëna ka dalë nga spitali me dëshirën e saj, në gjendje shëndetësore të stabilizuar.

Disa ditë pas lindjes nëna e re është paraqitur në spital me dobësi trupore dhe menjëherë, pacientja është shtruar në repartin e terapisë intensive, ku është trajtuar komfom të gjitha protokolleve mjekësore. Pavarësisht përpjekjeve të stafit mjekësor, gjendja e pacientes është rënduar në mënyrë të shpejtë, duke ndërruar jetë. Priten rezultatet e Mjekësisë Ligjore për të mësuar shkakun e humbjes së jetës së pacientes.

Kjo është ngjarja e dytë brenda 24 orëve ku një grua humb jetën. Dje në Elbasan, Etleva çullhaj vdiq disa orë pasi abortoi foshnjen që kishte në bark, ndërsa ishte nënë edhe e dy fëmijëve të tjerë./Dosja.al

materniteti koco gliozheni materniteti koco gliozheni

Sondazh

Poll

MË SHUMË