Aktualitet

ME VIDEO/ Sekuetrohen 9 mln lekë në Lushnje, arrestohet 39-vjeçari që shiste kokainë me doza, 10 konsumuesit nën hetim

Dhjetë persona që blinin drogë tek ai janë vënë nën hetim, ndërkohë që bëhet me dije se janë sekuestruar 900 mijë lekë të reja (9 milion lekë), 4 celularë dhe një makinë. 

1 Shkurt 2023, 09:46 Nga F.M
ME VIDEO/ Sekuetrohen 9 mln lekë në Lushnje, arrestohet
Lushnje

LUSHNJE- Një 39-vjeçar i identifikuar si Arkenant Maledhi është vënë në pranga pasi akuzohet se shiste kokainë me doza prej kohësh, Në njoftimin e policisë, bëhet me dije se Maledhi është mbajtur nën vëzhgim prej pesë muajsh. Dhjetë persona që blinin drogë tek ai janë vënë nën hetim, ndërkohë që bëhet me dije se janë sekuestruar 900 mijë lekë të reja (9 milion lekë), 4 celularë dhe një makinë. 

Njoftimi i policisë Lushnjë

Finalizohet si rezultat i një hetimi proaktiv 5-mujor, operacioni policor i koduar “Start”. Shiste lëndë narkotike kokainë në doza, në zona të ndryshme të Lushnjës, vihet në pranga 39-vjeçari. Në hetim 10 shtetas të tjerë, të dyshuar blerës të këtyre dozave. Sekuestrohen një shumë parash e përfituar nga kjo veprimtari kriminale, 4 celularë dhe 1 automjet.
 Specialistët për Hetimin e Narkotikëve të Drejtorisë Vendore të Policisë Fier, në vijim të punës për evidentimin dhe goditjen e veprimtarisë kriminale të shpërndarjes së drogave të forta, në doza, bazuar dhe në inteligjencën informative, kanë iniciuar një procedim në Prokurorinë pranë Gjykatës së Rrethit Gjyqësor Lushnjë, dhe pas një periudhe hetimore 5-mujore, me metoda proaktive, kanë finalizuar operacionin policor të koduar “Start”. Në kuadër të këtij operacioni, u bë e mundur kapja dhe vënia në pranga e shtetasit A. M., 39 vjeç, banues në Lushnjë.

Bazuar në provat e siguruara si rezultat i hetimeve, Gjykata e Rrethit Gjyqësor Lushnjë, më datë 30.01.2023, ka caktuar për këtë shtetas, masën e sigurisë “Arrest në burg”, për veprën penale “Prodhimi dhe shitja e narkotikëve", pasi ka rezultuar se 39-vjeçari shiste në zona të ndryshme të Lushnjës, lëndë narkotike kokainë të ndarë në doza. Gjithashtu, në kuadër të këtij operacioni, u proceduan në gjendje të lirë shtetasit: S. G., 26 vjeç, E. D., 25 vjeç, banues në Kolonjë, L. K., 32 vjeç, M. M., 40 vjeçe, banuese në Rrapëz, R. K., 19 vjeç, banues në Halilaj, A. H., 27 vjeç, banues në Pirrë, F. M., 32 vjeç, banues në Vajkan, A. M., 24 vjeç, banues në Gorre, L. P., 21 vjeç, banues në Bubullimë dhe A. Dh., 24 vjeç, banues në Verri, pasi nga veprimet hetimore ka rezultuar se blinin doza të lëndës narkotike kokainë, që shiste shtetasi A. M. Në cilësinë e provës materiale, u sekuestruan 900 000 lekë, 4 aparate celulare dhe 1 automjet. Materialet procedurale i kaluan Prokurorisë, për veprime të mëtejshme.

policia e lushnjes arkenant maledhi

Sondazh

Poll

Aktualitet 31 Janar 2023, 23:11 k.m.

Digjet sërish banesa në Elbasan

Foto ilustruese ELBASAN- Një banesë u përfshi nga flakët mbrëmjen e kësaj të marte në Elbasan. Ngjarja ndodhi n&eum...

MË SHUMË