Aktualitet

Lihet në burg Xhevit Sinani, mohon krimin e dyfishtë: Vëllai vdiq nga një ilaç për veshin, gruaja ishte e vrarë, u mbulova trupat

Sinani tha se kishte qenë në banesën e të vëllait dhe e kishte parë këtë të fundit përtokë të vdekur. Më pas kur kishte shkuar në banesën e tij ku kishte parë të pajetë bashkëshorten e tij.

30 Janar 2023, 10:53 Nga F.M

Xhevit Sinani

TIRANË- Xhevit Sinani, 80-vjeçari i arrestuar për vrasjen e gruas e të vëllait të tij është lënë në masën e sigurisë ‘arrest me burg’. Para trupit gjykues, Sinani ka mohuar që të ketë pasur gisht në krim, por që i ka gjetur të dy të vdekur dhe u ka mbuluar trupin. Sinani tha se kishte qenë në banesën e të vëllait dhe e kishte parë këtë të fundit përtokë të vdekur. Më pas kur kishte shkuar në banesën e tij ku kishte parë të pajetë bashkëshorten e tij.

“Vëllai kishte përdorur një ilaç në vesh, me pas kishte dale në oborr dhe ishte rrezuar, ishte vrarë. E mbulova vëllanë dhe ika te gruaja. Edhe gruaja ishte e vrarë. Jo, s’kam vrare njeri. Vetëm u mbulova trupat”- ka thënë 80-vjeçari kur është pyetur.

Avokati i 80-vjeçarit, i caktuar nga gjykata tha se i moshuari ka probleme të qarta të shëndetit mendor dhe do t’i nënshtrohet vizitave mjekësore. Ngjarja ndodhi pasditen e së premtes në fshatin Tërvol të Gramshit. 80-vjeçari vrau me sëpatë bashkëshorten e tij Zegjine Sinani dhe vëllanë Shaqir Sinani. Fqinjët folën për probleme të shëndetit mendor të Sinanit dhe për xhelozinë që ndjente ai ndaj bashkëshortes.

xhevit sinani zegjine sinani shaqir sinani