Bota

Operacion ushtarak në SHBA, vritet lideri i shtetit Islamik në Somali

Operacioni vjen pasi Presidenti Biden ridislokoi qindra trupa amerikane në vend pasi paraardhësi i tij, Donald Trump, i tërhoqi ato. Megjithatë, ato forca thuhet se janë atje vetëm për të trajnuar ushtarë somalezë, në vend që të kryejnë operacione.

27 Janar 2023, 16:43 Nga a.l
Operacion ushtarak në SHBA, vritet lideri i shtetit Islamik në Somali
Operacion ushtarak

SHBA- Forcat amerikane kanë vrarë një udhëheqës të Shtetit Islamik, Bilal al-Sudani dhe 10 prej operativëve të tij në Somalinë veriore. Ai u vra pasi forcat speciale amerikane bastisën një kompleks shpellash të largët malore me shpresën për ta kapur.

"Al-Sudani ishte përgjegjës për nxitjen e pranisë në rritje të ISIS në Afrikë," tha Sekretari i Mbrojtjes Lloyd Austin.

Ai gjithashtu dyshohet se financoi aktivitetet e grupit globalisht. Analistët thonë se fakti që trupat amerikane u dërguan me urdhër të presidentit Joe Bidento të vrasin ose kapin Sudanin, në vend që të përdorin një sulm me dron më pak të rrezikshëm, tregon rëndësinë e tij.

Operacioni vjen pasi Presidenti Biden ridislokoi qindra trupa amerikane në vend pasi paraardhësi i tij, Donald Trump, i tërhoqi ato. Megjithatë, ato forca thuhet se janë atje vetëm për të trajnuar ushtarë somalezë, në vend që të kryejnë operacione.

Vitet e fundit, grupi i Shtetit Islamik thuhet se ka zgjeruar aktivitetet e tij në disa vende afrikane, duke përfshirë Mozambikun dhe Republikën Demokratike të Kongos. Megjithatë, Shteti Islamik është një grup relativisht i vogël në Somali, me grupin e lidhur me Al-Kaedën, al-Shabab shumë më të spikatur - ai kontrollon shumë zona jugore.
Para se t'i bashkohej Shtetit Islamik, Sudani dyshohet se ka bërë punë operative për al-Shabab, duke ndihmuar me trajnimin e luftëtarëve, raportojnë mediat e huaja. 

Ai akuzohet se ka luajtur një "rol financiar me aftësi të specializuara që e bënë atë një objektiv të rëndësishëm për veprimet kundër terrorizmit të SHBA", tha një zyrtar anonim amerikan për agjencinë e lajmeve AFP.
Operacioni për të shënjestruar Sudanin thuhet se ka marrë muaj për të planifikuar./ Dosja.al

bilal al-sudani

Sondazh

Poll

MË SHUMË