Sport

Carabao Cup/ Manchester United vendos një këmbë në finale, mundi Nottingham...

Në City Ground përfundon 3-0 ndeshja për ekipin e Ten Hag. ‘Djajtë e Kuq’ një hap larg kualifikimit

26 Janar 2023, 06:57 Nga DOSJA
Carabao Cup/ Manchester United vendos një këmbë në finale,

ANGLI - Asnjë pengesë për Manchester Unitedin e Ten Hag, i cili fitoi 3-0 në Nottingham Forest në ndeshjen e parë të gjysmëfinales së Carabao Cup. Në City Ground, ‘Djajtë e Kuq’ e nisin shumë fuqishëm dhe kalojnë në avantazh me anë të Rashford (6').  Vendasit reagojnë dhe janë afër barazimit, por në fund të pjesës së parë (45') goli i Weghorst mbyll efektivisht ndeshjen. Në ndeshjen finale (89') kishte vend edhe për golin e Bruno Fernandes.

Manchester United i afrohet finales së Carabao Cup me fitoren 3-0 në Nottingham Forest. Për zhbllokimin e ndeshjes kujdeset gjithmonë Marcus Rashfordi i zakonshëm, i cili shënon golin e 9-të në 10 ndeshjet e fundit. 

Nottingham nuk u dorëzua dhe në minutën e 24-t goli i barazimit të Surridge u anulua (për shkak të pozicionit jashtë loje). Në vijim, Hennessy fillimisht e refuzon gjuajtjen e Antonin, por Weghorst nga afër gjen rezultatin fitues 2-0 dhe regjistron golin e tij të parë në fanelën e United. 

Në pjesën e dytë gjërat nuk ndryshuan, me Rashford dhe shokët e tij që ishin afër golit të tretë me goditjen e Eriksen nga jashtë zonës që goditi këndin e sipërm. Me kalimin e kohës, entuziazmi (dhe energjia) e vendasve u zbeh dhe në fund të ndeshjes (89') Bruno Fernandes fiksoi rezultatin 3-0 me një gjuajtje me të djathtën nga skaji i zonës. 

Përfundon 3-0 ndeshja për lojtarët e Ten Hag që praktikisht e vendosin kualifikimin në kasafortë. Ndeshjet e kthimit janë planifikuar për në 31 janar (Newcastle-Southampton, me Magpies që kanë fituar ndeshjen e parë 1-0).

B.T (Dosja.al)

Sondazh

Poll

MË SHUMË