Sport

Sarri: “Performanca jonë më e mirë, por u gëzova më shumë me fitoren ndaj Romës”

“Ne duhet të vazhdojmë të punojmë mirë dhe të mos humbim pikë në rrugë kundër kundërshtarëve, që në letër janë më të dobët se ne”.

25 Janar 2023, 19:23 Nga DOSJA
Sarri: “Performanca jonë më e mirë, por u gëzova

ITALI - Trajneri i Lazios, Maurizio Sarri, lavdëroi skuadrën e tij për fitoren e madhe kundër AC Milan, pranoi se ishte më i kënaqur me fitoren në derbin kundër Romës dhe theksoi "sapo arbitri i fryu bilbilit, mendova për ndeshjen e radhës".

Ishte një natë perfekte për Maurizio Sarri, me Lazion që mposhti Milanin 4-0 për të kaluar së bashku me Interin në vendin e tretë në tabelë, -1 pikë pas kuqezinjve të vendit të dytë. Trajneri i Lacios, megjithatë, në deklaratat e tij pas ndeshjes theksoi se tashmë po mendon për ndeshjen e radhës: “Sapo arbitri i ra bilbilit, më shkoi mendja se tani është Fiorentina. Duhet të mbajmë ekuilibrin për lojtarët është gjëja më e rëndësishme. Pas disfatës në Leçe ishim skuadra më e keqe në Itali, ndërsa tani jemi më të mirët.

Tekniku me përvojë as që dëshiron të dëgjojë për një ‘scudetto’: “Nuk është ide, është ëndërr! E rëndësishme është të fokusohemi te ndeshja e radhës dhe të mos mendojmë për objektivin afatgjatë. Ndonjëherë të qenit i qëndrueshëm ka qenë faji ynë dhe ne duhet ta rregullojmë atë”.

Për sa i përket paraqitjes më të mirë të skuadrës dhe momentit më të këndshëm në klub, ai tha: “Në planin tekniko-taktik, ndoshta ka qenë paraqitja më e mirë që kur kam ardhur, por gëzimi më i madh ka qenë fitorja në derbin me 1-0 ndaj Romës. Ne duhet të vazhdojmë të punojmë mirë dhe të mos humbim pikë në rrugë kundër kundërshtarëve, që në letër janë më të dobët se ne”.

Duke analizuar ndeshjen, Sarri nënvizoi se: “Përfituam nga lëvizjet e Felipes për të hapur hapësira mes mbrojtësve të Milanit. Në pjesën e parë më pëlqeu shumë edhe ndërtimi nga mbrojtja”,- ndërsa për numrin e madh të ndeshjeve tha: “Kam luajtur 65 ndeshje në Angli në një sezon dhe këtë vit do të luajmë më pak...”.

B.T (Dosja.al)

Sondazh

Poll

MË SHUMË