Bota

SKEMA/ Si e ndihmoi miku i Ramës oligarkun rus, mori para dhe hetoi rivalin, të bijën e futi në stazh në Departamentin e Policisë të Nju Jorkut

Departamenti amerikan i Thesarit e shtoi zotin Deripaska në listën e sanksioneve në vitin 2018, për lidhjet me qeverinë ruse dhe sektorin energjitik rus, ndërkohë që Rusia kërcënonte vazhdimisht Ukrainën.

23 Janar 2023, 22:07 Nga F.M
SKEMA/ Si e ndihmoi miku i Ramës oligarkun rus, mori para dhe hetoi
Charles McGonigal

SHBA- Charles McGonigal, agjenti special që drejtonte divizionin e kundërzbulimit në Nju Jork gjatë periudhës 2016-2018, drejtonte hetimet për oligarkët rusë dhe në këtë mënyrë ka ndihmuar oligarkun Oleg Deripaska. Përpara se të tërhiqej nga detyra në vitin 2018, McGonigal akuzohet se punoi për të hequr sanksionet ndaj Deripaskas. Ai mori para prej tij për të hetuar një oligark rival, por sot u arrestua bashkë me Sergey Shestakov, që punonte si përkthyesi i Deripaskas.

Departamenti amerikan i Thesarit e shtoi zotin Deripaska në listën e sanksioneve në vitin 2018, për lidhjet me qeverinë ruse dhe sektorin energjitik rus, ndërkohë që Rusia kërcënonte vazhdimisht Ukrainën.

Në shtator, prokurorët federalë në Manhatan akuzuan Deripaskan dhe tre bashkëpunëtorë të tij për konspiracion dhe shkelje të sanksioneve amerikane. CNN shton se Shestakov i kërkoi gjithashtu McGonigal që të bënte të mundur që vajza e Deripaskas të siguronte një stazh në Departamentin e Policisë të Nju Jorkut. McGonigal pranoi dhe i tha një kontakti të tij në departamentin e policies ta pranonin pasi me babanë e vajzës i ‘lidhnin interesa të shumtë’.

arrestohet charles mcgonigal charles mcgonigal

Sondazh

Poll