Bota

Ndihmoi oligarkun rus! Lirohet nga qelia miku i Ramës, ish-agjenti i FBI lë 500 mijë dollarë garanci, s'i lejohet të largohet nga vendi

Ai do të mbahet nën vëzhgim, ndërkohë që hetimi për ndihmën e dhënë ndaj oligarkut rus Oleg Deripaska dhe marrja e 225 mijë dollarëve nga një ish-punonjës i shërbimit të inteligjencës në Shqipëri, vijojnë.

23 Janar 2023, 21:47 Nga F.M
Ndihmoi oligarkun rus! Lirohet nga qelia miku i Ramës, ish-agjenti i FBI
Charles McGonigal

SHBA- Charles McGonigal, ish-agjenti i FBI që u vu në pranga ditën e sotme është liruar nga qelia. CNN shkruan se gjykatësi ka urdhëruar lirimin e McGonigal në këmbim të 500 mijë dollarëve garanci pasurore. Ish-agjentit të FBI-së që akuzohet se ndihmoi oligarkun rus, njëkohësisht mik me kryeministrin Edi Rama, nuk i lejohet të dalë nga vendi. Ai do të mbahet nën vëzhgim, ndërkohë që hetimi për ndihmën e dhënë ndaj oligarkut rus Oleg Deripaska dhe marrja e 225 mijë dollarëve nga një ish-punonjës i shërbimit të inteligjencës në Shqipëri, vijojnë.

Ai vetë është deklaruar i pafajshëm, por i është ndakuar që të ketë kontakt me këdo person që është vënë nën hetim në lidhje me rastin.

McGonigal ishte vënë nën hetim që nga muaji shtator i vitit 2022. Kjo nuk është hera e parë që përmendet emri i McGonigal në lidhje me Shqipërinë. Një artikull i “BuisnessInsider”, shkruante se McGonigal përdori adresën e tij zyrtare të e-mailit të FBI-së për të tentuar të organizonte një takim mes kryeministrit Edi Rama dhe një firme amerikane. Kjo e fundit, ishte menduar për tu kontraktuar për një nismë kundër korrupsionit. Në fund, FBI nuk i dha miratimin McGonigal për takimin dhe ai nuk u zhvillua kurrë.

arrestohet charles mcgonigal charles mcgonigal

Sondazh

Poll