Aktualitet

Atentati ndaj prokurorit Arjan Ndoja/ Merret masa e sigurisë për 5 'miqtë' e Plarent Dervishajt, GJKKO i lë në burg

SPAK i kërkon 4 të arrestuarit se janë në krye të komplotit për vrasjen e Arjan Ndojës dhe "Rrumit" të Shijakut, ose siç njihet ndryshe Aleksandër Laho. Plarent Dervishaj ndodhet në Dubai, i cili u arrestua për vrasjen e Vajdin Lames në 2005, falë dëshmisë së Luftar Reçit por rifitoi lirinë pasi mes dy vendeve nuk ka marrëveshje ekstradimi. Hasmëria e tij ka nisur pas atentatit të 2019, ku Dervishajt iu bë pritë

21 Janar 2023, 11:20 Nga f.g
Atentati ndaj prokurorit Arjan Ndoja/ Merret masa e sigurisë për 5
Momenti kur mberrijne ne GJKKO

TIRANE- 5 të akuzuarit për atentatin ndaj prokurorit Arjan Ndoja janë lënë në burg. Vendimi është marrë gjatë seancës së sotme në Gjykatën kundër Korrupsionit dhe Krimit të Organizuar. 5 të arrestuarit e operacionit "Komploti" akuzohen për organizimin dhe pjesëmarrjen aktive në atentatin ndaj prokurorit Arjan Ndoja. Pas seancës, avokati i Akil Ndërjakut tha pas seancës se do ta apelojnë vendimin e shkallës së parë.

"U paraqitën disa fakte nga organi i akuzës. Ne patëm kundërshtimet tona. Tani do kundërshtojmë vendimi e Gjykatës në Gjykatën e Apelit dhe të shohim."

Atentati ndaj prokurorit Arjan Ndoja/ Merret masa e sigurisë për 5
Vendimet

Të arrestuarit janë:

Genti Ndërjaku alias Kili Ndërjaku

Marsel Deçka

Endrit Sinani

Julian Pjetri

Bashkim Haxhija

Të shpallur në kërkim: Plarent Dervishaj, Ramazan Rraja, A.SH (Badi), Julian Meçe. 

Por pse akuzohen? SPAK i kërkon 4 të arrestuarit se janë në krye të komplotit për vrasjen e Arjan Ndojës dhe "Rrumit" të Shijakut, ose siç njihet ndryshe Aleksandër Laho. Plarent Dervishaj ndodhet në Dubai, i cili u arrestua për vrasjen e Vajdin Lames në 2005, falë dëshmisë së Luftar Reçit por rifitoi lirinë pasi mes dy vendeve nuk ka marrëveshje ekstradimi. Hasmëria e tij ka nisur pas atentatit të 2019, ku Dervishajt iu bë pritë.

Grupi u zbulua nga dëshmia e Nuredin Dumanit por edhe dy të penduarve të tjerë të drejtësisë. Si ndodhi atentati ndaj Ndojës? Më 1 nëntor  2019 një atentat me breshëri automatiku iu bë ndaj ish- prokurorit Arjan Ndoj pranë mbikalimit të Shkozetit. Ditën e ngjarjes Prokurori Ndoja ishte në automjet me një person me precedentë penalë, të njohur si i "forti i Sukthit",  Aleksandër Laho (alias Pëllumb Muharremi). i njohur si 'Rrumi i Shijakut', dhe me Andi Malokun, ish-punonjës i policisë në komisariatin e Krujës, shofer i prokurorit, i cili mbeti i vdekur. Për ngjarjen janë duke u gjykuar në shkallën e parë edhe Redjan Rraja dhe Arjol Halilaj, të akuzuar si qitës në atentat./Dosja.al

operacioni komploti plarent dervishaj atentati ndaj prokurorit arjan ndoja

Sondazh

Poll

MË SHUMË