Sport

Marcelo viziton Real Madridin dhe pritet me dashuri nga Ancelotti: "Je numri një!"...

Fituesi më i madh në historinë e klubit spanjoll, mbrojtësi anësor 34-vjeçar aktualisht luan me Olympiakos në Greqi.

21 Janar 2023, 07:59 Nga DOSJA

Marcelo viziton Real Madridin dhe pritet me dashuri nga Ancelotti: "Je

SPANJE - Në sezonin e tij të parë larg Real Madridit pas 16 vitesh, Marcelo ka ende lidhje të forta me klubin. Këtë të premte, braziliani, që aktualisht luan për Olympiacos të Greqisë, ka vizituar ish-shokët e tij të skuadrës në qendrën stërvitore në kryeqytetin spanjoll.

Rrjetet sociale të Real Madridit kanë regjistruar momentin kur mbrojtësi i majtë 34-vjeçar u takua me Carlo Ancelottin. Pas një përqafimi të dashur, ai dëgjoi një kompliment nga trajneri. “Je numri një”,- i tha Ancelotti.

Postimi u komentua shumë shpejt nga shumë tifozë të klubit, të cilët u shprehën mirënjohës dhe thanë se u mungon lojtari. Të enjten e kaluar, Marcelo ndau një postim duke festuar fitoren e rikthimit 3-2 ndaj Villarrealit në Kupën e Mbretit.

Marcelo është lojtari me më së shumti tituj në historinë e Real Madridit, duke koleksionuar 25 trofe, i ka dhënë lamtumirën klubit ‘los blancos’ në maj të vitit të kaluar. Për Olympiacos, ai ka bëri nëntë ndeshje dhe shënoi tre gola. Skuadra, e cila ka gjithashtu edhe Rodinei dhe James Rodríguez, është e treta në kampionatin grek, pas Panathinaikos dhe AEK.

B.T (Dosja.al)

Sondazh

Poll

MË SHUMË