Sport

I dënuar me burg, ish-ylli norvegjez John Carew, do ta shlyejë dënimin duke punuar pranë Federatës për të rinjtë…

“Është mirë që ai dëshiron t'i vërë aftësitë e tij në të mirë të fëmijëve dhe adoleshentëve”,- ka komentuar presidentja e federatës, Lise Klaveness.

19 Janar 2023, 12:00 Nga DOSJA

I dënuar me burg, ish-ylli norvegjez John Carew, do ta shlyejë

NORVEGJI - Ish-lojtari i kombëtares norvegjeze, John Carew, është punësuar nga Federata Norvegjeze e Futbollit për t'u kujdesur për të rinjtë. Ish-sulmuesi 43-vjeçar, i cili ka 91 ndeshje për kombëtaren (24 gola), u dënua në nëntor me katërmbëdhjetë muaj burg për faktin se nuk kishte deklaruar rreth 12.8 milionë korona në organet tatimore (rreth 1.2 milion euro) midis 2014 dhe 2019. Ky rol i ri brenda federates besohet se mund të hapë rrugën për një rregullim të dënimit.

 “Ai shpreson të jetë në gjendje të marrë detyrën gjatë vuajtjes së dënimit me një byzylyk elektronik dhe do të bëjë një kërkesë për këtë tek autoritetet e burgut”,- thuhet në një deklaratë të federatës. 

“Është mirë që ai dëshiron t'i vërë aftësitë e tij në të mirë të fëmijëve dhe adoleshentëve”,- ka komentuar presidentja e federatës, Lise Klaveness. - Ndoshta kjo punë mund të jetë pjesë e dënimit të tij, në këtë rast do të jetë fitimprurëse”, shtoi ajo.

I dënuar me burg, ish-ylli norvegjez John Carew, do ta shlyejë

Pasi ka luajtur me Valencia CF, Aston Villa, Besiktas dhe West Ham, ish-sulmuesi John Carew, me iniciativën e tij, kontaktoi federatën norvegjeze në dhjetor për të ofruar shërbimet e tij. Do të funksionojë në 4/5. “Mezi pres të kthehem në sport ”,- tha ai. - Futbolli mbetet një aspekt i rëndësishëm i jetës sime. Do të jetë mirë të jesh në gjendje të kontribuosh në zhvillimin e një brezi të ri lojtarësh”.

B.T (Dosja.al)

 

Sondazh

Poll

MË SHUMË