Bota

"Defender-Europe '23"/ Forca e Sigurisë së Kosovës stërvitje të përbashkët me ushtrinë amerikane

Tutje, Mehaj tregoi se cilat janë objektivat e FSK-së në këtë stërvitje që merr pjesë me mbi 1,300 pjesëtarë.

10 Janar 2023, 16:36 Nga I.A
"Defender-Europe '23"/ Forca e Sigurisë së Kosovës
Defender

KOSOVË- Ministri i Mbrojtjes, Armend Mehaj, ka bërë të ditur se Forca e Sigurisë së Kosovës do të marrë pjesë në stërvitjen “DEFENDER- Europe 23” me mbi 1,300 pjesëtarë. Mehaj lajmin e ka bërë të ditur përmes një shkrimi në rrjetin social ‘Facebook’. Mehaj, ka publikuar pamje nga ekipi i FSK-së teksa tha se pjesë e këtij ushtrimi janë 25 vende anëtare të NATO-s.

“Ekipi planifikues i FSK-së së bashku me ekipin e forcave amerikane dhe forcave tjera aleate janë duke zhvilluar konferencën finale planifikuese katërditore të Stërvitjes “DEFENDER- Europe’23” në Budapest të Hungarisë. Stërvitja “DEFENDER- Europe’ 23″ është stërvitje e shkallës së gjerë që organizohet nga Ushtria Amerikane për Evropë dhe Afrikë me forcat e vendeve aleate të 25 vendeve të NATO-s dhe partnerëve të saj”, shkruan Mehaj.

Tutje, Mehaj tregoi se cilat janë objektivat e FSK-së në këtë stërvitje që merr pjesë me mbi 1,300 pjesëtarë.

“Vendi ynë do të jetë ndër vendet pritëse të kësaj stërvitje dhe FSK merr pjesë me mbi 1300 pjesëtarë. Objektivat kryesore të FSK në këtë stërvitje janë rritja e ndërveprueshmërisë, validimi i kapaciteteve të këmbësorisë, validimi i kapaciteteve të mbështetjes dhe vlerësimi i mbështetjes mjekësore” ka shkruar Mehaj.

armend mehaj defender- europe 23

Sondazh

Poll

MË SHUMË